काठमाडौं । आयरल्यान्ड वुल्भ्ससॅंगको पहिलो एकदिवसिय खेलमा नेपालले टस हारेको छ ।
आयरल्यान्ड वुल्भ्सका कप्तान निल रकले टस जितेर ब्याटिङ रोजेका छन् । आयरल्यान्डले ब्याटिङ रोजेपछि नेपालले पहिला बलिङ गर्दैछ ।
सोमबार सम्पन्न तीन खेलको टी-ट्वान्टी सिरिज भने वुल्भ्सले २-१ ले जितेको थियो ।
एकदिवसीय सिरिजका लागि आयरल्यान्डले टी-ट्वान्टी खेलकै टाेली खेलाउँदा नेपाली टोलीमा भने केही परिवर्तन भएको छ । नेपाली टोलीमा भीम सार्की, अर्जुन साउद, अर्जुन कुमाल, रिजन ढकाल जस्ता खेलाडी थपिएका छन् । नेपाली कप्तानमा भने विनोद भन्डारीको निरन्तरता रहेको छ ।
सिरिज अन्तर्गतको दोस्रो खेल शुक्रबार र तेस्रो तथा अन्तिम खेल आईतबार हुनेछ ।
नेपालको प्लेईङ-११
विनोद भण्डारी(कप्तान), अर्जुन कुमाल, देव खनाल, भीम सार्की, अर्जुन साउद, आरिफ शेख, बसिर अहमद, कमलसिंह ऐरी, साहाब आलम, रिजन ढकाल, मौषम ढकाल ।
