काठमाडौं । नेपाल ए र आयरल्यान्ड वल्भ्सबीचको टी-ट्वान्टी सिरिजको पहिलो खेल आज (शुक्रबार) हुदैछ।
यसअघि विहिबार हुने तालिका भएपनि बर्षाका कारण खेल रद्द भएको थियो । बिहिबारको खेल रद्द भएपछि नेपाल क्रिकेट संघ (क्यान)ले बिहिबार नयाँ तालिका सार्बजनिक गरेको थियो।
जस अनुसार तीन खेलको टी-ट्वान्टी सिरिजको पहिलो खेल आज हुने भएको छ । यो खेल टियु मैदान कीर्तिपुरमा अपरान्ह १ बजेदेखि हुने छ।
दोस्रो टी-ट्वान्टी चैत १७ मा र तेस्रो तथा अन्तिम टी-ट्वान्टी १८ गते रहेको छ ।
लगत्तै दुवै बीच तीन खेलको एकदिवसीय सिरिज शुरू हुने छ। उक्त सिरिज चैत २०, २२ र २४ गते हुनेछ ।
त्यसअघि नेपालको राष्ट्रिय टिमले आयरल्याण्ड ए सँग दुई टी-ट्वान्टी खेल खेलेको थियो, जसमा दुवै खेल नेपालले जितेको थियो ।
नेपाली ए टिम :
विनोद भण्डारी (कप्तान), लोकेस बम, देव खनाल, पवन सराफ, किरण ठगुन्ना, आरिफ सेख, अर्जुन घर्ति, नारायण जोशी, बशीर अहमद, रसिद खान, सागर ढकाल, विपिन खत्री, कमल सिंह ऐरी, हेमन्त धामी र विकास आग्री