भारतीय क्रिकेट टिमका पुर्ब कप्तान अजय जडेजा वाईवाई एभेरेस्ट प्रिमियर लिग प्रतियोगिताको फाईनल खेल हेर्न नेपाल आउने भएका छन् l
राजधानीमा मंगलबार आयोजित पत्रकार सम्मेलन मार्फत प्रतियोगिता आयोजक जोहरा स्पोर्ट्स म्यानेजमेन्टका प्रमुख आमिर अख्तरले जडेजा आउने निश्चित भएको बताए l
जडेजा ३ दिन नेपाल बस्ने गरि आउने र भ्रमण क्रममा एपीएल फाईनल खेल अवलोकन गर्नुको साथै, पत्रकारहरु संग कुरा कानी गर्ने र काठमाडौँ भ्रमण पनि गर्न सक्ने जोहराले बताएको छ l
सन् २०१४ मा जोहराले आयोजना गरेको जोर्नी टु वर्ल्डकप प्रतियोगितामा भारतीय स्टार खेलाडी भीभीएस लक्ष्मण नेपाल आएका थिए l त्यस भन्दा अघि २०१२ मा भारतीय क्रिकेट कप्तान महेन्द्र सिंह धोनी नेपाल आईसकेका छन् l
जडेजा वाईवाई एपीएल फाईनल खेलको प्रमुख अतिथि हुने समेत जोहरा प्रमुख अख्तरले जानकारी दिएका छन् l यही सेप्टेम्बर २४ गते शनिबार देखि सुरु हुने बहुप्रतिक्षित प्रतियोगिताको फाईनल खेल अक्टोबर ३ तारिकमा हुनेछ l