प्रम कप पुरुष सुदुरपश्चिम प्रादेशिक छनोट : भरत चन्दको उत्कृष्ट बलिङमा कञ्चनपुर विजयी

लोकेश जोशी/धनगढी

राष्ट्रिय खेलकुद परिषदको वार्षिक कार्यतालिकाअनुसार नेपाल  क्रिकेट संघले यहि पौष २७ गतेदेखि रुपन्देही  जिल्लाको सिद्धार्थ रंगशाला सुरु हुने प्रधानमन्त्री कप पुरुष राष्ट्रिय एकदिवसीय क्रिकेट प्रतियोगिता-२०८० को तयारीस्वरुप यही पौष १४ गतेदेखि धनगढीको फाप्ला क्रिकेट मैदानमा सुदुरपश्चिम प्रादेशिक क्रिकेट संघले आयोजना गरेको प्रधानमन्त्री कप पुरुष प्रदेशस्तरीय छनोट क्रिकेट प्रतियोगिता-२०८० सञ्चालन गरेको थियो।

प्रतियोगिताको चौथो खेलमा कञ्चनपुरले टस जित्दै पहिला ब्याटिङ्ग गर्ने निर्णय लिएको हो।फलस्वरूप, कञ्चनपुरले निर्धारित ४५ ओभरको खेलमा ४४.४ ओभर खेल्दै सम्पुर्ण विकेटको क्षति २३८ रन जोड्न सफल भयो।ब्याटिङ्गतर्फ कञ्चनपुरका लागि सुशील खड्काले ५८ बलमा सर्वाधिक ६४ रनको महत्त्वपूर्ण अर्धशतक प्रहार गर्न सफल हुँदा प्रकाश पाण्डेले ५३ बलमा महत्त्वपूर्ण ४७ रन तथा किरन ठगुन्नाले १७ बलमा २१ रन बनाउन सफल भए।बलिङ्गतर्फ, बझाङका लागि सञ्जय बोहराले ९ ओभरमा ४२ रन खर्चंदै सर्वाधिक ३ विकेट लिन सफल हुँदा सुशील रावलले ९ ओभरमा ३८ रन खर्चँदा अर्का बलर निरज सार्कीले पनि ६ ओभरमा १ मेडेनसहित २० रन खर्चंदै समान २/२ विकेट लिन सफल भए।

२३९ रनको विशाल विजयी लक्ष्य पछ्याउँदै मैदान उत्रेको बझाङले निर्धारित ४५ ओभरको खेलमा ३७.१ ओभर खेल्दै सम्पुर्ण विकेटको क्षति १७५ रन बनाउन सफल हुँदै खेल ६३ रनले पराजित हुनपुग्यो।ब्याटिङ्गतर्फ,बझाङका लागि अशोक धामीले ५५ बलमा सर्वाधिक ६३ रनको उत्कृष्ट अर्धशतकिय पारी खेल्न सफल हुँदा अबिनास सिंहले ६२ बलमा ४४ रन तथा सन्दिप भण्डारीले ४० बलमा २४ रन बनाउन सफल भएपनि आफ्नो टोलिलाइ जित भने दिलाउन सकेनन्।बलिङतर्फ कञ्चनपुरका लागि भरत चन्दले ९ ओभरमा १ मेडेनसहित ४२ रन खर्चंदै सर्वाधिक ४ विकेट लिन सफल हुँदा विकास आग्रीले ८.१ ओभरमा ३० रन तथा दीपक चन्दले ८ ओभरमा ४० रन खर्चंदै  समान २/२  विकेट लिन सफल हुँदै आफ्नो टोलिलाइ जारी छनोट प्रतियोगितामा लगातार दोश्रो जित दिलाउन पनि सफल भए।
प्रधानमन्त्री कप पुरुष प्रदेस्तरिय एकदिवसीय क्रिकेट प्रतियोगिताको चौथो खेल कञ्चनपुरले ६३ रनले जित्न सफल भयो।उक्त खेलमा म्यान अफ दी म्याच कञ्चनपुरका भरत चन्द घोषित हुँदै नगद एकहजार तथा आकर्षक ट्रफी हात पार्न सफल भए।

प्रतियोगिताको तेश्रो दिनको पाँचौं एकदिवसीय खेल आज पौष १७ गते बैतडी र अछामबीच बिहान ०९:३० बजेदेखि सुरु हुने सुदुरपश्चिम प्रादेशिक क्रिकेट संघका सचिव लक्ष्मण भट्ट ज्यूले जानकारी गराउनुभयो।





थप समाचार

नेपालसँग खेल्ने आयरल्यान्ड वल्भ्सको टोली घोषणा, सिरिज मार्च २४ बाट

काठमाडौं । नेपाली सिनियर राष्ट्रिय टोली तथा नेपाल ए सँग खेल्ने आयरल्यान्ड वल्भ्सको टोली घोषणा भएको छ । आइतबार क्रिकेट […]

नेदरल्यान्ड्स र नेपालले फाइनल खेल्ने

काठमाडौं । नेपाल र नेदरल्यान्ड्सले त्रिदेशीय टी-ट्वान्टी आई सिरिजको फाइनलमा भिड्ने भएका छन् । वर्षाका कारण नामिबिया र नेदरल्यान्ड्सको खेल […]

नेदरल्यान्ड्सले टस जित्यो

काठमाडौं । नेदरल्यान्ड्सले नामिबियाविरुद्धको खेलमा टस जितेको छ । टियु क्रिकेट मैदानमा कीर्तिपुरमा नेदरल्यान्ड्सका कप्तान स्कट एडवार्डले टस जितेर बलिङ […]

हङकङ सिरिजका लागि नेपाली टोलीको घोषणा, आकाशलाई पहिलो पटक मौका

काठमाडौं । हङकङमा आयोजना हुने त्रिदेशीय टी-ट्वान्टी सिरिजका लागि नेपाली टोली घोषणा भएको छ । फागुन २७ बाट सुरु हुने […]

हङकङ टी-ट्वान्टी सिरिज फागुन २७ बाट

काठमाडौं । हङकङमा आयोजना हुने त्रिदेशीय टी-ट्वान्टी सिरिज फागुन २७ बाट सुरु हुने भएको छ । हङकङ क्रिकेटले शनिबार सिरिजको […]

दंगाली लायन्सलाई दाङ क्रिकेट लिग सिजन-२ को उपाधि, बसिर सर्वोत्कृष्ट  

दाङमा सम्पन्न नेपाल टेलिकम दाङ क्रिकेट लिगको दोश्रो सिजनको उपाधि दंगाली लायन्सले जितेको छ। दाङ क्रिकेट संघद्वारा आयोजित लिगको फाइनलमा […]