पहिलो दिन नितिन मेमोरियल, उज्ज्वल शिशु निकेतन, एपीआई स्कुल र डीएभी बिजयी

  • विकेटनेपाल, १६ जेठ

माइक्रोम्याक्स इन्टर-स्कुल इन्डोर क्रिकेट प्रतियोगिता आज देखि काठमाडौँमा सुरु भएको छ l भ्यागुते प्रोडक्सनको आयोजनामा सुरु भएको प्रतियोगिताको पहिलो दिन नितिन मेमोरियल, उज्ज्वल शिशु निकेतन, एपीआई स्कुल र डीएभी बिजयी भएका छन् l

प्रतियोगिताको उद्घाटन बालुवाटार क्रिकेट एकेडेमीका संचालक तथा क्रिकेट संघका पुर्ब उपाध्यक्ष उपेन्द्र भट्टराई र रास्ट्रिय क्रिकेटर सुबास खकुरेलले गर्नुभयो l

भेलोसिटी एरिनामा सम्पन्न आजको पहिलो खेलमा नितिन मेमोरियलले बिध्या संस्कार स्कुललाई २९ रनले पराजित गर्यो l पहिले ब्याटिंग गरेको नितिन मेमोरियलले निर्धारित १२ ओभरमा ६ विकेट नोक्सानीमा ११७ रन बनाएको थियो जसको लागी सुमन लिम्बुले १ छक्का र १ चौका मदतले ३४ रन बनाए l  बिध्या संस्कारका अधिक कार्कीले २ विकेट हात पारे l ११८ रन लक्ष पछ्याएको बिध्या संस्कारले १२ ओभरमा ८८ रन मात्रै बनाउन सक्यो जसको लागि रुवेष ज्ञवालीले २२ रन बनाए l नितिनका जितेन तामांगले ३ विकेट हात पारे l  खेलको म्यान अफ द म्याच सुमन लिम्बु घोषित भए l

Man of the match Krish Adhikari ( Ujjwal Shishu Niketan )

दोश्रो खेलमा उज्ज्वल शिशु निकेतनले प्रिमियर इन्टरनेसनल स्कुललाई ७ विकेटले पराजित गर्यो l उज्ज्वलका ब्याट्सम्यान समिर केसीले २८ तथा म्यान अफ द म्याच कृष अधिकारीले ३२ रन योगदान दिए l

तेश्रो खेलमा एपीआई स्कुलले मेरीडीएन स्कुललाई ४८ रनले पराजित गर्यो l पहिले ब्याटिंग गर्दै  एपीआईले १२ ओभरमा ३ विकेट नोक्सानीमा १३४ रन बनायो जसको लागि म्यान अफ द म्याच समेत चुनिएका रेउल श्रेष्ठले ७ छक्का मदतले अविजित ५९ तथा उठांत लामाले ४५ रन योगदान दिएका थिए l मेरीडीएनले दोश्रो इनिंगमा ८६ रन मात्रै बनाउन सक्यो जसको लागि इशान अर्यालले ३० रन योगदान दिए l एपीआई बलर उठांत लामाले २ विकेट हात पारे l

यस्तै चौथो खेलमा डीएभी स्कुलले ग्रिन ल एकेडेमीलाई ३८ रनले पराजित गर्यो l म्यान अफ द म्याच चुनिएका समन श्रेष्ठको ४२ रन मदतले डीएभीले पहिले इनिंगमा १०६ रन बनायो l जवाफमा ग्रिन लले ६८ रन मात्रै बनाउन सक्यो l डीएभी बलर समन श्रेष्ठ र शेखर बोहराले २/२ विकेट हात पारे l ८ टोलि सहभागी प्रतियोगिता ४ दिन चल्नेछ l

 

 

 





थप समाचार

ccc

आयरल्यान्डलाई हराउँदै सुपर आठमा पुग्ने लक्ष्यमा अमेरिका

काठमाडौं । वेस्ट इन्डिज र अमेरिकामा जारी आईसिसी टी–२० विश्वकप क्रिकेट अन्तर्गतको ३० औं खेलमा शुक्रवार अमेरिका र आयरल्यान्डबीच भिड्दै […]

दक्षिण अफ्रिका र नेपाल पहिलो पटक भिड्दै

काठमाडौं । नेपाल र दक्षिण अफ्रिका अन्तर्राष्ट्रिय क्रिकेटको इतिहासमा पहिलो पटक भिड्ने भएका छन् । वेस्ट इन्डिज र अमेरिकामा जारी […]

७ महिना पछि नेपाली जर्सीमा फर्कदै सन्दीप

काठमाडौं । नेपाली राष्ट्रिय पुरुष क्रिकेट टोलीका पुर्व कप्तान तथा लेग स्पिनर सन्दीप लामिछाने ७ महिना १० पछि नेपाली टोलीको […]

दक्षिण अफ्रिकाविरुद्ध नेपाल सम्भावित प्लेईङ-११

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेको नेपालले दक्षिण अफ्रिकाको […]

दक्षिण अफ्रिकाविरुद्ध उमेर समूहको नतिजा दोहोर्याउने लक्ष्यमा नेपाल

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेका नेपाल र दक्षिण […]