काठमाडौं । अस्ट्रेलियामा जारी रहेको अभानी प्रिमियर लिगमा अभानी क्रिकेट क्लब र लालिगुराँस क्रिकेट क्लबले जित निकालेका छन् ।
नेपाली राष्ट्रिय क्रिकेट टोलीका पुर्व सदस्य जितेन्द्र मुखियाको अलराउन्ड प्रदर्शनमा अभानीले वारियर्स क्रिकेट क्लबलाई ३६ रनले पराजित गरी लिगको फाइनलमा स्थान बनाएको छ ।
पहिले ब्याटिङ गरेको अभानीले १९ दशमलब २ ओभरमा अल आउट हुदै १ सय ७२ रन बनाएको थियो ।
अभानीका लागि नन्दन यादवले ३५ बलमा ५२ तथा बिक्रम सोबले २७ बलमा ३७ रन बनाएका थिए । जितेन्द्र मुखियाले ११ बलमा २२ तथा सन्देश आचार्यले ८ बलमा १३ रन बनाएका थिए ।
वारियर्सका लागि कप्तान अमन सिंहले तीन तथा युवराज मल्ल र आविष्कार सुनारले समान दुई दुई विकेट लिए ।
अभानीले दिएको १ सय ७३ रनको लक्ष्य पछ्याएको वारियर्सले २० ओभरमा ९ विकेट गुमाएर १ सय ३६ रन मात्र बनाउन सक्यो ।
वारियर्सका लागि सुवास शाहले २१ बलमा ३८ तथा राहुल निरौलाले १४ बलमा २३ रन बनाए ।
अभानीका लागि अलराउन्ड प्रदर्शन गर्दै प्लेयर अफ द म्याच भएका जितेन्द्र मुखियाले चार तथा अभिनाश कर्णले दुई विकेट लिए ।
अर्को खेलमा लालिगुरासले कगांरु क्रिकेट क्लबलाई ७ विकेटले पराजित गरी दोस्रो क्वालिफायरमा स्थान बनाएको छ ।
पहिले ब्याटिङ गरेको कगांरुले १०० बलको खेलमा ८ विकेट गुमाएर १ सय १३ रन बनाएको थियो ।
कगांरुका लागि सचिन पौडेलले २७ बलमा २८ तथा शाहिल हमालले १४ बलमा १८ रन बनाएका थिए ।
लालिगुराँसका लागि तेज चन्द, संजय भट्ट र आभिष्कार सुनारले समान दुई दुई विकेट लिएका थिए ।
जवाफमा १ सय १४ रनको लक्ष्य लालिगुराँसले ७५ बलमा ३ विकेट गुमाएर पूरा गर्यो ।
लालिगुराँसका लागि सौरभ अधिकारीले २० बलमा ४३ तथा कप्तान दिनेश धानुकले १४ बलमा २३ रन बनाएका थिए ।
कगांरुका लागि सुमित गिरी र प्रयास कडरियाले समान एक एक विकेट लिए ।
