एपीएफको लगातार दोस्रो जित, बागमतीको लगातार दोस्रो हार

काठमाडौं । ललितपुर मेयर कपमा विभागीय टोली नेपाल एपीएफ क्लबले लगातार दोस्रो जित हात पार्दा बागमती प्रदेशले लगातार दोस्रो हार व्यहोरेको छ ।

टियु क्रिकेट मैदानमा कीर्तिपुरमा भएको प्रतियोगिताको चौथो खेलमा एपीएफले ८ विकेटको जित हात पार्यो ।

बागमतीले दिएको ७४ रनको लक्ष्य एपीएफले ११ ओभरमा २ विकेट गुमाएर पूरा गर्यो ।

एपीएफका लागि ममता चौधरीले ३२ बलमा अविजित ३५ तथा कप्तान इन्दु बर्माले १२ बलमा १७ रन बनाईन् ।

त्यसअघि टस हारेर पहिले ब्याटिङ गरेको बागमतीले निर्धारित २० ओभरमा ६ विकेट गुमाएर ७३ रन बनाएको थियो ।

बागमतीका लागि हेलिसा गुरुङले ५० बलमा ३ चौकाको सहयोगमा ३१ रन बनाईन् । खुसी डंगोलले २२ बलमा १ चौकाको सहयोगमा अविजित १४ रन बनाईन् ।

एपीएफका लागि करुणा भण्डारीले चार तथा सिता राना मगरले दुई विकेट लिईन् ।

लगातार दोस्रो जित हात पारेको एपीएफ चार अंकका साथ शीर्ष स्थानमा उक्लिएको छ । प्रतियोगितामा गत बर्ष सम्पन्न महिला प्रधानमन्त्री कपको शीर्ष ४ टोली र ललितपुर महानगरपालीकाको टोली रहेका छन् ।





थप समाचार

ccc

आयरल्यान्डलाई हराउँदै सुपर आठमा पुग्ने लक्ष्यमा अमेरिका

काठमाडौं । वेस्ट इन्डिज र अमेरिकामा जारी आईसिसी टी–२० विश्वकप क्रिकेट अन्तर्गतको ३० औं खेलमा शुक्रवार अमेरिका र आयरल्यान्डबीच भिड्दै […]

दक्षिण अफ्रिका र नेपाल पहिलो पटक भिड्दै

काठमाडौं । नेपाल र दक्षिण अफ्रिका अन्तर्राष्ट्रिय क्रिकेटको इतिहासमा पहिलो पटक भिड्ने भएका छन् । वेस्ट इन्डिज र अमेरिकामा जारी […]

७ महिना पछि नेपाली जर्सीमा फर्कदै सन्दीप

काठमाडौं । नेपाली राष्ट्रिय पुरुष क्रिकेट टोलीका पुर्व कप्तान तथा लेग स्पिनर सन्दीप लामिछाने ७ महिना १० पछि नेपाली टोलीको […]

दक्षिण अफ्रिकाविरुद्ध नेपाल सम्भावित प्लेईङ-११

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेको नेपालले दक्षिण अफ्रिकाको […]

दक्षिण अफ्रिकाविरुद्ध उमेर समूहको नतिजा दोहोर्याउने लक्ष्यमा नेपाल

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेका नेपाल र दक्षिण […]