प्रम कप पुरुष प्रादेशिक क्रिकेट : टेक रावतको उत्कृष्ट ब्याटिङमा कैलाली विजयी

लोकेश जोशी/धनगढी

राष्ट्रिय खेलकुद परिषदको वार्षिक कार्यतालिकाअनुसार नेपाल क्रिकेट संघले यहि पौष २७ गतेदेखि रुपन्देही  जिल्लाको सिद्धार्थ रंगशाल सुरु हुने प्रधानमन्त्री कप पुरुष राष्ट्रिय एकदिवसीय क्रिकेट प्रतियोगिता-२०८० को तयारीस्वरुप यही पौष १४ गतेदेखि धनगढीको फाप्ला क्रिकेट मैदानमा सुदुरपश्चिम प्रादेशिक क्रिकेट संघले आयोजना गरेको प्रधानमन्त्री कप पुरुष प्रदेशस्तरीय क्रिकेट प्रतियोगिता-२०८० को तेश्रो खेलमा टेक रावतको उत्कृष्ट ब्याटिङ मद्दतले कैलालीले अछामलाई  ७ विकेटको ठुलो अन्तरले पराजित गर्न सफल हुँदै जारी प्रतियोगितामा विजयी सुरुवात पनि गरेको छ।

प्रतियोगिताको तेश्रो खेलमा अछामले टस जित्दै पहिला ब्याटिङ्ग गर्ने निर्णय लिएको हो।फलस्वरूप, अछामले निर्धारित ४५ ओभरको खेलमा ३२.१ ओभर खेल्दै सम्पुर्ण विकेटको क्षति मात्र १०० रन जोड्न सक्यो।ब्याटिङ्गतर्फ अछामका लागि हिमाल कुँवरले ८४ बलमा सर्वाधिक ३६ रन बनाउन सफल हुँदा सुरज तिरुवाले २६ बलमा महत्त्वपूर्ण २० रन बनाउन सफल भएपनि अन्य ब्याट्सम्यानहरुले उल्लेख्य प्रदर्शन गर्न नसक्दा टोलि सस्तैमा समेटिन पुगेको टिम कप्तान राजु रिजालले बताउनुभयो।बलिङ्गतर्फ, कैलालीका लागि पारस शुनारले ५.१ ओभरमा १ मेडेनसहित १८ रन खर्चंदै सर्वाधिक ३ विकेट लिन सफल हुँदा वसन्त कार्कीले ४ ओभरमा १४ रन खर्चँदा अर्का बलर धर्मराज जोशीले पनि ४ ओभरमा १७ रन खर्चंदै समान २/२ विकेट लिन सफल भए।

१०१ रनको झिनो विजयी लक्ष्य पछ्याउँदै मैदान उत्रेको कैलालीले निर्धारित ४५ ओभरको खेलमा १६ ओभर खेल्दै ३ विकेटको क्षति १०५ रन बनाउन सफल हुँदै रोमाञ्चक ७ विकेटको जित आफ्नो नाम दर्ता गराउन सफल भयो।ब्याटिङ्गतर्फ कैलालीका लागि टेक रावतले ३८ बलमा सर्वाधिक ६५ रनको उत्कृष्ट अर्धशतकिय पारी खेल्न सफल हुँदा अभिषेक पालले ३६ बलमा १९ रन बनाउन सफल भए।बलिङतर्फ अछामका लागि रोहित खड्काले ४ ओभरमा १६ रन,अभिषेक चौधरीले ४ ओभरमा १ मेडेनसहित २८ रन तथा युवराज खत्रीले ६ ओभरमा २९ रन खर्चंदै  समान १/१  विकेट लिन सफल भएपनि आफ्नो टोलिलाइ जित भने दिलाउन सकेनन।
प्रधानमन्त्री कप पुरुष प्रदेस्तरिय एकदिवसीय क्रिकेट प्रतियोगिताको तेश्रो खेल कैलाली जिल्लाले ७ विकेटले जित्न सफल भयो।उक्त खेलमा म्यान अफ दी म्याच कैलालीका टेक रावत घोषित हुँदै नगद एकहजार तथा आकर्षक ट्रफी हात पार्न सफल भए।

प्रतियोगिताको तेश्रो दिनको चौथो एकदिवसीय खेल आज पौष १६ गते कञ्चनपुर र प्लेट च्याम्पियन बझाङबीच बिहान ०९:३० बजेदेखि सुरु हुने सुदुरपश्चिम प्रादेशिक क्रिकेट संघका उपाध्यक्ष रमेश बोहरा ज्यूले जानकारी गराउनुभयो।





थप समाचार

फाइनल खेलमा नेपालको सम्भावित प्लेईङ-११

काठमाडौं । मंगलबार नेपाल, नामिबिया र नेदरल्यान्ड्स सम्मिलित टी-ट्वान्टी आईको फाइनल खेलमा नेपाल र नेदरल्यान्ड्स खेल्दै छन् । नेपाल र […]

नेदरल्यान्ड्स र नेपाल फाइनलमा भिड्दै, यस्तो छ ईतिहास

काठमाडौं । काठमाडौंमा जारी नेपाल, नामिबिया र नेदरल्यान्ड्स सहभागी त्रिदेशीय टी-ट्वान्टी आई सिरिजको फाइनल खेलमा घरेलु टोली र नेदरल्यान्ड्सले मंगलबार […]

नेपालसँग खेल्ने आयरल्यान्ड वल्भ्सको टोली घोषणा, सिरिज मार्च २४ बाट

काठमाडौं । नेपाली सिनियर राष्ट्रिय टोली तथा नेपाल ए सँग खेल्ने आयरल्यान्ड वल्भ्सको टोली घोषणा भएको छ । आइतबार क्रिकेट […]

नेदरल्यान्ड्स र नेपालले फाइनल खेल्ने

काठमाडौं । नेपाल र नेदरल्यान्ड्सले त्रिदेशीय टी-ट्वान्टी आई सिरिजको फाइनलमा भिड्ने भएका छन् । वर्षाका कारण नामिबिया र नेदरल्यान्ड्सको खेल […]

नेदरल्यान्ड्सले टस जित्यो

काठमाडौं । नेदरल्यान्ड्सले नामिबियाविरुद्धको खेलमा टस जितेको छ । टियु क्रिकेट मैदानमा कीर्तिपुरमा नेदरल्यान्ड्सका कप्तान स्कट एडवार्डले टस जितेर बलिङ […]

हङकङ सिरिजका लागि नेपाली टोलीको घोषणा, आकाशलाई पहिलो पटक मौका

काठमाडौं । हङकङमा आयोजना हुने त्रिदेशीय टी-ट्वान्टी सिरिजका लागि नेपाली टोली घोषणा भएको छ । फागुन २७ बाट सुरु हुने […]