- विकेटनेपाल, पौष ७ – शुक्रबार
किर्तिपुर मैदानमा जारि दिनको पहिलो खेलमा काठमाण्डौ किंग्स ११ र पोखरा राइनोज भिडीरहेका छन् ।
|| स्कोरकार्ड || लाइभ अपडेट ||
पहिले ब्याटिंग गरेको काठमाण्डौ किंग्स ११ ले सामान्य प्रदर्शन गर्दै २० ओभरको समाप्तीमा ८ विकेट गुमाएर ९८ रन बनाएको छ ।
पहिलो ओभरमा नै ओपनर अमित श्रेष्ठ र कप्तान फर्वीज महरूफ़लाई शुन्य रनमा गुमाएको उसका लागि अर्का ओपनर सागर पुनले धैर्यसाथ खेल्दै टिमलाई सम्हालेका थिए । सागर पुनले शक्ति गौचनको बलमा क्याच आउट हुनु अघि ३७ रन बनाउन ४३ बल खेले जसमा १ छक्का र २ चौका सामेल थियो ।
त्यस्तै राजु रिजालले २९ बलमा १७, सोमपाल कामिले १७ बलमा १० रन बनाउदा सिद्धान्त लोहनी ४, अक्ष्यु फर्नान्डो ७, अमर सिंह रौटेला ६ रन बनाएर आउट भए । बिक्रम भुसालले ६ बलमा अविजित ८ तथा एस कुमारले अविजित १ रन बनाए ।
पोखराका लागि कप्तान शक्ति गौचनले २० रन खर्चेर अमर सिंह रौटेला र सागर पुनलाई आउट गरे, सुशन भारी र बिक्रम सोबले पनि समान २ विकेट हात पार्दा ताज वली र इस्रार उल्लाहले समान १ विकेट लिए ।
केहि समयपछी लक्ष्य पछ्याउन पोखरा मैदानमा उत्रने छ ।