- विकेटनेपाल, पौष ११ – मंगलबार
किर्तिपुर मैदानमा जारि चितवन टाइगर्स र भैरहवा ग्लाडीएटर्स बिचको खेलमा चितवनले खराब ब्याटिंग गर्दै २० ओभरको समाप्तीमा ९ विकेट गुमाएर ८७ रनको योगफल तयार पारेको छ ।
|| स्कोरकार्ड || लाइभ अपडेट ||
टस हारेर ब्याटिंगमा उत्रेको चितवनका लागि कुनै समय पनि राम्रो लयमा देख्न सकिएन । उसका लागि दिपेन्द्र सिंह ऐरीले १५ रन बनाउन १४ बल खर्चे, त्यस्तै योगेन्द्र सिंह कार्कीले पनि १५ रन बनाउन समान १४ बल नै खर्चे । आकाश थापाले ११ रन बनाउदा ललित सिंह भण्डारीले अविजित ८ रन बनाउने क्रममा १९ औं ओभरमा छक्का प्रहार गर्दै टिमको स्कोर लाई केहि हदसम्म उकासे । अन्य ब्याट्सम्यानहरु ले दोहोरो अंक छुन सकेनन् ।
बलिंगतर्फ शरद भेसावकरले सर्बाधिक ३ विकेट हात पार्न ४ ओभरमा १२ रन खर्चे, हरिशंकर शाह र भुवन कार्कीले २ विकेट लिदा कृष्ण कार्की र पुनित मेहराको नाममा १/१ विकेट रह्यो ।
चितवन टाइगर्सलाई प्रतियोगितामा प्ले-अफको सम्भावना बाकी राख्नको लागि यो खेल जित्नैपर्ने दबाब छ भने भैरहवाले लक्ष्य पुरा गरे लिग चरणमा दोश्रो हुदै प्ले-अफमा स्थान सुरक्षित गर्ने छ ।
