काठमाडौं । नेपालले क्यानडा विरुद्धको खेलमा टस जितेको छ । क्यानडाविरूद्धकाे सिरिजकाे अन्तिम खेलमा नेपालले टस जितेकाे हाे ।
नेपालका कप्तान रोहतकुमार पौडेलले टस जितेर बलिङ रोजेका हुन् । शनिबार भएको दोस्रो खेलमा नेपाली टिममा रहेका चार जना खेलाडीलाई आराम दिईएको छ । हेमन्त धामीले पहिलो पटक टिममा मौका पाएका छन् ।
हेमन्त सहित याे सिरिजमा चार नेपाली क्रिकेटरले ओडिआई डेब्यु गरेका छन् । यस सिरिजमा हेमन्त सहित अाकाश चन्द, सूर्य तामाङ र ररिजन ढकालले डेब्यु गरेका छन् ।
शनिबारको खेलमा टिममा रहेका सोमपाल कामी, सुर्य तामाङ, रिजन ढकाल र आशिफ शेख बेन्चमा रहेका छन् । हेमन्त धामीले नेपालको लागि ओडिआईमा पहिलो पटक स्थान बनाउँदा ललित नारायण राजवंशी, कुशल भुर्तेल र आरिफ शेखले टिममा पुनः स्थान बनाएका छन् ।
पहिलो खेलमा कप्तान रोहितकुमार पौडेलको चार विकेटको सहयोगमा नेपालले सात रनको रोमान्चक जित निकालेको थियो । दोस्रो खेलमा तीन अर्धशतकको सहयोगमा नेपालले क्यानडालाई ४ विकेटले पराजित गरेको थियो । यो खेलमा जितका साथ नेपाल घरेलु भुमीमा ओडिआई सिरिज पहिलो पटक क्लिन स्विप गर्न चाहन्छ ।
यस भन्दा अघि नेपालले घरेलु भुमीमा दुई ओडिआई सिरिज खेलेको थियो । दुई मध्ये एकमा हार र अर्कोमा सिरिजमा जित हात पारे पनि सिरिज क्लिन स्विप भने गर्न सकेको थिएन । नेपालले २०२२ मा पपुवा न्युगिनीसँगको दुई खेलको सिरिज २-० ले गुमाएको थियो । २०२२ मा नै युएई विरुद्धको तीन खेलको सिरिज नेपालले २-१ ले जितेको थियो ।
विदेशी भुमीमा भएको सिरिजमा भने नेपालले क्लिन स्विपको नतिजा निकालिसकेको छ । २०२१ मा ओमानमा पपुवा न्युगिनीविरुद्ध नेपालले ओडिआई सिरिज क्लिन स्विप गरेको थियो । क्यानडा पनि जित निकाल्दै सिरिजमा सान्त्वना जित निकाल्न चाहन्छ ।
नेपालको प्लेईङ-११
रोहित पौडेल, कुशल भुर्तेल, देव खनाल, कुशल मल्ल, भीम सार्की, आरिफ शेख, पवन सर्राफ, हेमन्त धामी, ललित नारायण राजवंशी, आकाश चन्द र अनिल कुमार शाह(विकेटकिपर)
