काठमाडौं । विराटनगरमा जारी कोशी प्रदेश राष्ट्रिय टी-ट्वान्टी च्याम्पियनसिपको उपाधीका लागि कर्णाली प्रदेश र विभागीय टोली त्रिभुवन आर्मी भिड्ने भएका छन् ।
पहिलो सेमिफाइनलमा सूदुरपश्चिम प्रदेशलाई ५ विकेटले पराजित गर्दै आर्मी फाइनल प्रवेश गरेको हो ।
सूदुरपश्चिमले दिएको १ सय ६४ रनको लक्ष्य आर्मीले ५ बल बाँकी रहदै पूरा गर्यो । आर्मीको जितमा बसिर अहमदले २८ बलमा ५ चौका र २ छक्काको सहयोगमा अविजित ५० रनको अर्धशतकीय ईनिङ खेले । तृप्त राज दासले ३२ बलमा ७ चौकाको सहयोगमा ३८ रन बनाए । सन्तोष कार्कीले ३१ तथा सन्दीप रजालीले १७ रन बनाएका थिए ।
सूदुरपश्चिमका लागि दीपक बोहोराले २ तथा कप्तान हेमन्त धामी र नरेन साउदले समान १/१ विकेट लिए ।
टस हारेर पहिले ब्याटिङ गरेको सूदुरले निर्धारित २० ओभरमा ९ विकेट गुमाएर १ सय ६३ रन बनाएको थियो
सुदूरका लागि नारायण जोशीले २२ बलमा ४ चौका र ६ छक्काको सहयोगमा ५९ रन बनाए । किरण ठगुन्नाले ४३ तथा नरेन भट्टले १५ रन बनाए ।
आजै भएको दोस्रो सेमिफाइनलमा लुम्बिनी प्रदेशलाई ५ विकेटले हराउँदै कर्णाली पनि फाइनल प्रवेश गरेको छ ।
लुम्बिनीले दिएको १ सय ५२ रनको लक्ष्य कर्णालीले १८ दशमलब ५ ओभरमा ५ विकेट गुमाएर पूरा गर्यो ।
कर्णालीको जितमा अर्जुन घर्तीले २७ बलमा ४३ तथा दिनेश अधिकारीले २० बलमा ३६ रन जोडे ।
लुम्बिनीका लागि नर सार्की, वीर मगर, कृष्ण कार्की, कप्तान देव खनाल र निर्मल गुरुङले समान १/१ विकेट लिए ।
टसजितेर पहिले ब्याटिङ गरेको लुम्बिनीले १८ दशमलब २ ओभरमा अल आउट हुदै १ सय ५१ रन मात्र बनाउन सक्यो ।
लुम्बिनीका ३९ बलमा १० चौका र १ छक्काको सहयोगमा ६५ रनको अर्धशतकीय ईनिङ खेलेका थिए । ओपनर मिर्नल गुरुङले २२ तथा दिल्शाद अलिले १४ रन बनाए ।
कर्णालीका लागि दीपेन्द्र रावतले ४ तथा प्रकाश जैशीले ३ विकेट लिए । समूह चरणको खेलमा आर्मीले कर्णालीलाई ८ रनले हराएको थियो ।
प्रतियोगितामा सात प्रदेश तथा तीन विभागीय टोलीको सहभागीता रहेको छ । च्याम्पियनसिपको फाइनल खेल शनिबार हुनेछ ।
