काठमाडौं । १७ औं संस्करणको इन्डियन प्रिमियर लिग (आइपीएल) मा समूह चरणको आफ्नो अन्तिम खेलमा पञ्जाब किंग्समाथि जित निकाल्दै सनराईजर्स हैदराबाद शीर्ष स्थानमा उक्लिएको छ ।
घरेलु मैदान राजिब गान्धी क्रिकेट स्टेडियममा समूह चरणको अन्तिम खेल खेल्दै गरेको पञ्जाबमाथि हैदराबादले ४ विकेटको जित हात पारेको हो ।
पञ्जाबले दिएको २ सय १५ रनको लक्ष्य हैदराबादले १९ दशमलब १ ओभरमा ६ विकेट गुमाएर पूरा गर्यो ।
हैदराबादको जितमा अभिषेक शर्माले २८ बलमा ५ चौका र ६ छक्काको सहयोगमा ६६ रनको अर्धशतकीय ईनिङ खेले । हेनरिक क्लासेनले २६ बलमा ३ चौका र २ छक्काको सहयोगमा ४२ रन बनाए । नितिश रेड्डीले २५ बलमा ३७ तथा राहुल त्रिपाठीले १८ बलमा ३३ रन बनाए ।
पञ्जावका लागि अर्शदिप सिंह र हर्षल पटेलले समान २/२ तथा हरप्रित ब्रार र शशाक सिंहले समान १/१ विकेट लिए ।
त्यसअघि टस जितेर पहिले ब्याटिङ रोजेको पञ्जावले २० ओभरमा ५ विकेट गुमाएर २ सय १४ रन बनाएको थियो ।
पञ्जावका लागि ओपनर प्रभसिमरन सिंहले ४५ बलमा ७ चौका र ४ छक्काको सहयोगमा ७१ रनको अर्धशतकीय ईनिङ खेले । राईली रोसोउले २४ बलमा ४९ तथा अथर्व टाइडेले २७ बलमा ४६ रन बनाएका थिए ।
हैदराबादका लागि टी नटराजनले २ तथा कप्तान प्याट कमिस र विजयकान्त वैयसकान्तले समान १/१ विकेट लिएका थिए ।
जितसँगै समूह चरणको यात्रा सकाएको हैदराबाद दोस्रो स्थानमा छ । हैदराबादलाइ दोस्रो स्थानमा रहेर प्लेअफ यात्रा गर्न आजै हुने दोस्रो खेलमा राजस्थान रोयल्स पराजित हुनु पर्दछ ।
अन्तिम खेलमा हार सहित लिग समाप्त गरेको पञ्जाब नवौं स्थानमा रहेर लिग सकाएको छ ।
