काठमाडौं । एसीसी महिला एसिया कपका लागि श्रीलंकामा रहेको नेपाली टोली दोस्रो अभ्यास खेलमा पनि श्रीलंका डेभलभमेन्ट टोलीसँग पराजित भएको छ ।
दोस्रो अभ्यास खेलमा नेपाल चार विकेटले पराजित भएको हो । मंगलबार भएको पहिलो अभ्यास खेलमा नेपाली टोली ३३ रनले पराजित भएको थियो ।
नेपालले दिएको १ सय ७ रनको लक्ष्य श्रीलंकाले १९ दशमलब ५ ओभरमा ६ विकेट गुमाएर पूरा गर्यो ।
श्रीलंकाका लागि एस सिनाराथिनीले २७ तथा एस सन्दीपानीले १९ रन बनाइन् ।
नेपालका लागि सबनम राई र कविता जोशीले समान एक एक विकेट लिईन् ।
पहिले ब्याटिङ गरेको नेपालले २० ओभरमा ७ विकेट गुमाएर १ सय ६ रन बनायो ।
नेपालका लागि कविता कुवरले २९ तथा कप्तान ईन्दु बर्माले २८ रन बनाईन् ।
