- विकेटनेपाल, कार्तिक १९
आसिफ शेखले आक्रामक अर्धशतक प्रहार गरेपछि बंगलादेश भ्रमण अन्तर्गत सिरिजको तेश्रो तथा अन्तिम खेलमा नेपाल बलियो स्थितिमा पुगेको छ ।
आसिफले मात्र ३५ बलमा ३ छक्का र ५ चौका मदतले १३ औं ओभरमा अर्धशतक प्रहार गरेका हुन्।
नेपालको स्कोर ताजा स्थितिमा १२.३ ओभरमा ७७/० रहेको छ।
नेपालको लागि अर्का ओपनर जितेन्द्र सिंह ठकुरीले अविजित २० रन बनाउदा ४१ बलमा २ चौका र १ छक्का प्रहार गरिसकेका छन्।
नेपाललाई जितको लागि बंगलादेश यु-१९ ले २२६ रनको लक्ष दिएको छ।
यसअघि टस जितेर बंगलादेशले पहिले ब्याटिंग गरेको बंगलादेशले पुरै ५० ओभरमा ७ विकेट गुमाई २२५ रन बनाएको छ।
बंगलादेशको लागि चौथो नम्बरमा ब्याटिंग गरेका अमिनुल इस्लामले अविजित ८० रनको इनिंग खेलेका थिए। यस्तै मोहम्मद रकिबले ३९, पिनक घोषले २३ रनको योगदान दिए । इस्लामले ८७ बल खेल्दै ८ चौका प्रहार गरेका थिए ।
नेपालको लागि शाहब आलमले सर्बाधिक ३ विकेट तथा अनिल शाहले २ तथा कप्तान दिपेन्द्र ऐरीले १ विकेट हात पारे। सन्दिप लामिछाने भने विकेट बिहिन रहे।
नेपालले यस अघि खेलेको २ वटा एकदिवसीयमा हार बेहोर्दै सिरिज २-० ले गुमाईसकेको छ।
८ टिम सहभागी हुने यु-१९ युथ एसिया कप प्रतियोगितामा नेपाल समुह ‘ए’ मा रहेको छ जुन समुहमा भारत, बंगलादेश र मलेसिया रहेका छन्। समुह ‘बि’ मा श्रीलंका, पाकिस्तान, अफगानिस्तान र एसीसी यु-१९ ( पश्चिम क्षेत्र ) को बिजेता टिम रहनेछ।
प्रतियोगितामा नेपालले आफ्नो पहिलो खेल बंगलादेशसंग ११ नोभेम्बरमा खेल्ने छ। बंगलादेशसंगको खेल पछि नेपालले १२ नोभेम्बरमा भारतसंग दोश्रो खेल र १४ नोभेम्बरमा मलेसियासंग तेश्रो खेल खेल्ने कार्यक्रम रहेको छ।
समुह ‘ए’ र समुह ‘बि’ बाट समुह चरणको खेल पछि २/२ टिम सेमीफाइनल खेल्न छनौट हुनेछ। प्रतियोगिताको फाइनल खेल १९ नोभेम्बरमा खेलिनेछ।
नेपालको पहिलो खेल किनाराओभल मैदानमा हुनेछ भने बाँकी २ वटा खेल बायुमास ओभल मैदानमा हुनेछ।
नेपाली टिम :-
१. दिपेन्द्र ऐरी ( ब्याटिंग अलराउण्डर )
२. रोहती पौडेल ( ब्याटिंग अलराउण्डर )
३. सन्दिप लामिछाने ( लेग स्पिनर )
४. सन्दिप सुनार ( ब्याट्सम्यान )
५. प्रनित थापा मगर ( ब्याट्सम्यान )
६. अनिल कुमार शाह ( ब्याट्सम्यान )
७. पवन सर्राफ ( अफस्पिन अलराउण्डर )
८. मोहम्मद आसिफ शेख ( विकेटकिपर/ब्याट्सम्यान )
९. किशोर महतो ( तिब्र गति बलर )
१०. शाहब आलम ( देब्रे हाते स्पिनर )
११. प्रकास केसी ( विकेटकिपर/ब्याट्सम्यान )
१२. कमल सिंह ऐरी ( तिब्र गति बलर )
१३. भिम शार्की ( देब्रे हाते स्पिनर – अलराउण्डर )
१४. रासिद खान ( तिब्र गति बलर )
१५. जितेन्द्र सिंह ( ब्याट्सम्यान )
वैकल्पिक खेलाडी
१. सन्दिप जोरा , २. बिक्रम कुमार भुसाल , ३. अंकित सुबेदी, ४. विजय चौधरी
