अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ।

शनिवार विहान सम्पन्न खेलमा नेपालले दिएको २२१ रनको लक्ष पछ्याएको एमएलसीसी-एघारले ४२.५ ओभरमा १५१ रन मात्र बनायो। एमएलसीसीको लागि रियाजखान पठानले सर्वाधिक ३६, नरेश बुढायरले २९, निकोलस मनोहरले २५ तथा जश शाहले २० रन बनाए।

स्कोरकार्ड  

एमएलसीसी ओपनर रियाज खान पठान र जश शाहले ४३ रनको ओपनिंग साझेदारी गरेता पनि त्यसपछि नेपाली बलरहरुले राम्रो पुनरागमन गरे। आरिफ शेखले सुरुवाती दुई विकेट लिएपछि दुई अफ स्पिनर पवन सर्राफ र दिपेन्द्र ऐरीले मध्यक्रम ब्याट्सम्यानहरुलाई लामो समय क्रिजमा जम्न दिएनन्। चौंथो नम्बरमा ब्याटिंग गरेका पूर्व नेपाली राष्ट्रिय क्रिकेटर नरेश बूढायरले धैर्यता देखाएता पनि अर्को किनारमा साथ पाउन सकेनन्।

नेपालको बलिंगमा अफ स्पिनर पवन सर्राफले ३ विकेट ( ६-०-२८-३ ) तथा किशोर महतो ( ६-०-२३-२ ) , आरिफ शेख ( ६-०-१२-२ ) र दिपेन्द्र ऐरीले ( ७-१-२२-२ ) समान २/२ विकेट लिए।

टस जितेर ब्याटिंग गरेको नेपालले ५० ओभरमा ८ विकेट क्षतिमा २२० रन बनायो।

नेपालको लागि बिनोद भण्डारीले सर्वाधिक ५७ रन बनाए जुन क्रममा ५९ बलमा ८ चौका प्रहार गरे। ओपनर आसिफ शेखले ७५ बलमा ४२ रन बनाए। देव खनालले २७, बसिर एहमदले २४, दिपेन्द्र ऐरी र आरिफ शेखले समान १९, कुशल भुर्तेलले १३ तथा आदील आलमले १० रन बनाए।

आसिफ शेखले देव खनालसंग ५० रनको साझेदारी गरेता पनि त्यसपछि लगातार विकेट गुम्दा नेपाल ८९/४ को अवस्थामा पुगेको थियो। त्यसपछि दिपेन्द्र ऐरी र आरिफ शेखले २७ रनको साझेदारी गरे। ऐरीको विकेट पछि आरिफले बिनोद भण्डारीसंग ३० रन जोडे। आरिफको विकेट पछि बिनोद भण्डारीले बसिर एहमदसंग सातौँ विकेटको लागि ६३ रन जोडे।

एमएलसीसीको बलिंगमा शिल पटेलले सर्वाधिक ३ विकेट लिए।

क्यानडा भ्रमण अन्तर्गत नेपालले अब क्यानडासंग दुई वटा एकदिवसीय खेल्नेछ। पहिलो एकदिवसीय जुलाई ४ तथा दोश्रो एकदिवसीय जुलाई ५ तारिखमा खेलिनेछ।

क्यानडामा सिरिज खेलेर नेपाली टोली उतैबाट नेपाल, स्कटल्यान्ड र नामिबिया सम्मिलित आईसीसी विश्वकप लिग–२ त्रिदेशीय सिरिज खेल्न स्कटल्यान्ड जानेछ । स्कटल्यान्डमा नेपालले पहिलो खेल नामिबियाविरुद्ध जुलाई ११, दोस्रो खेल स्कटल्यान्डविरुद्ध जुलाई १३, तेस्रो खेल नामिबियाविरुद्ध जुलाई १६ र अन्तिम खेल स्कटल्यान्डविरुद्ध जुलाई १७ मा खेल्नेछ ।

लिग–२ नेपाली टोली

सन्दीप लामिछाने (कप्तान), रोहित पौडेल (उपकप्तान), कुशल भुर्तेल, आरिफ शेख, देव खनाल, दीपेन्द्रसिंह ऐरी, करण केसी, सोमपाल कामी, आदिल अन्सारी, वासिर अहमद, किशोर महतो, पवन सर्राफ र विनोद भण्डारी ।





थप समाचार

आगामी लिग-२ सिरिजमा पुबुदु नेपाली टिमको मेन्टर हुने

राष्ट्रिय क्रिकेट टिमका पूर्व प्रशिक्षक पुबुदु दासानायेकेलाई नेपाल क्रिकेट संघ ( क्यान ) ले आगामी विश्व कप लिग-२ अन्तर्गतको सिरिजको […]

कार्तिक ३ देखि बिपी कोइराला स्मृति कप, चार टेस्ट राष्ट्रका टिमहरु सहभागी हुने

रुपन्देही । रुपन्देही जिल्लाको सिद्धार्थ क्रिकेट रङ्गशालामा ५ देशका खेलाडीको सहभागितामा अन्तर्राष्ट्रिय क्रिकेट प्रतियोगिता हुने भएको छ । यही कार्तिक […]

NPL : पोखराले भित्र्यायो आफ्नो पहिलो विदेशी खेलाडी

कुशल भुर्तेल मार्की खेलाडी रहेको नेपाल प्रिमियर लिगको टिम पोखरा एभेन्जर्सले टिमको पहिलो विदेशी खेलाडीको घोषणा गरेको छ। अमेरिकाको लागि […]

जनकपुरको क्रिकेट निर्देशकमा चालिसे नियुक्त

काठमाडौं । नेपाल प्रिमियर लिग (एनपिएल) टोली जनकपुर बोल्ट्सले बरदान चालिसेलाई टोलीको क्रिकेट निर्देशकमा नियुक्त गरेको छ । जनकपुरले बुधवार […]

क्यानलाई आमिर अख्तरको ७ बुंदे ध्याकर्षण पत्र, “नेपाल प्रिमियर लिग” नाममा आफ्नो दाबी

नेपाल प्रिमियर लिग प्रालि आफ्नो नाममा रहेको भन्दै आमिर अख्तिरले नेपाल क्रिकेट संघ-क्यानलाई ७ बुँदे ध्यानाकर्षण पत्र बुझाएका छन्। क्यानले […]

NPL : जनकपुर बोल्ट्सको मुख्य प्रशिक्षकमा पुबुदु

नेपाल प्रिमियर लिग (एनपीएल) खेल्ने जनकपुर बोल्ट्स टोलीको मुख्य प्रशिक्षकमा पुबुदु दशानायके नियुक्त भएका छन् । जनकपुर बोल्ट्सले पुबुदुलाई मुख्य […]