काठमाडौं । तीव्र गतिका बलर जेम्स एन्डरसनको बिदाइ खेलमा वेस्ट इन्डिजविरुद्धको पहिलो टेस्ट इंग्ल्यान्डले एक इनिङ १ सय १४ रनको जित निकालेको छ ।
दोस्रो इनिङमा वेस्ट इण्डिज १ सय ३६ रनमा अल आउट भएपछि इंग्ल्यान्डले शुक्रबार फराकिलो जित हासिल गरेको हो । पहिलो इनिङमा वेस्ट इन्डिजले १ सय २१ र इंग्ल्यान्डले ३ सय ७१ रन बनाएको थियो। तीन खेलको टेस्टको सिरिजमा घरेलु टोली इंग्ल्यान्डले १-० को अग्रता लिएको छ।
दोस्रो इनिङमा वेस्ट इण्डिजका लागि गुडाकेश मोतीले ३५ बलमा ३१ तथा एलिक एथानाजे २२ रन जोडे ।इंग्ल्यान्डका लागि गस एटकिन्सनले पाँच र जेम्स एन्डरसनले तीन विकेट लिए ।
त्यसअघि इंग्ल्यान्ड पहिलो इनिङमा ३ सय ७१ रनमा अल आउट भएको थियो । ओपनर ज्याक क्रलीले ८९ बलमा ७६ तथा जेमी स्मिथले १ सय १९ बलमा ७० रन जोडेका थिए । ओली पोपले ५७ तथा जो रुट ६८ रन जोडेका थिए ।
वेस्ट इण्डिजका जयडेन सिल्सले चार तथा जेसन होल्डर र गुडाकेश मोतीले समान दुई दुई विकेट लिएका थिए ।
लर्डसमा टस हारेर पहिला ब्याटिङको गरेको वेस्ट इण्डिजले १ सय २१ रन बनाएको थियो।
डेब्यू खेलमा नै ७ विकेट लिएका इंग्ल्यान्डका गस एटकिन्सन प्लेयर अफ द म्याच चुनिए ।
अन्तिम खेलमा ४ विकेट लिदै जितका साथ ४२ वर्षीय एन्डरसनले टेस्ट क्रिकेटबाट सन्न्यास लिएका छन् ।
उनले १ सय ८८ टेस्टमा ७ सय ४ विकेट लिएका छन् ।
