अस्ट्रेलियाको लगातार दोस्रो जित, सुपर आठको सम्भावना बलियो

काठमाडौं । अष्ट्रेलियाले वेस्ट इन्डिज र अमेरिकामा जारी नवौं संस्करणको आईसीसी टी–२० विश्वकप २०२४ मा साविक विजेता इंग्ल्यान्डलाई ३६ रनले हराएको छ ।

वेस्ट इन्डिजको बारबाडोसमा भएको खेलमा अस्ट्रेलिया ३६ रनले विजयी भयो ।

अस्ट्रेलियाले दिएको २ सय २ रनको लक्ष्य पछ्याएको इंग्ल्यान्डले २० ओभरमा ६ विकेट गुमाउँदै १ सय ६५ रन बनाउन सक्यो ।

इंग्ल्यान्डका लागि कप्तान जस बटलरले २८ बलमा ५ चौका र २ छक्कासहित सर्वाधिक ४२ रन बनाए । फिल साल्टले २३ बलमा ४ चौका र २ छक्कासहित ३७ रन जोडे ।

इंग्ल्यान्डलाई ओपनर साल्ट र बटलरले ७ दशमलब १ ओभरमा ७३ रनको साझेदारी गर्दै उत्कृष्ट सुरुवात दिलाएका थिए । त्यसपछि ब्याटिङ नचल्दा इंग्ल्यान्ड पराजित हुन पुगेको हो ।

अष्ट्रेलियाका प्याट कमिन्स र एडम जाम्पाले समान दुई दुई तथा जोश हेजलवुड र मार्कस स्टोइनिसले समान एक एक विकेट लिए ।

त्यसअघि टस हारेर पहिला ब्याटिङ गरेको अष्ट्रेलियाले २० ओभरमा ७ विकेट गुमाउँदै २ सय १ रन बनाएको थियो ।

अस्ट्रेलियाका लागि ओपनर डेविड वार्नरले १६ बलमा २ चौका र ४ छक्कासहित सर्वाधिक ३९ रन बनाए । कप्तान मिचेल मार्शले २५ बलमा २ चौका र २ छक्कासहित ३५ रन जोडे ।ट्रविस हेड १८ बलमा २ चौका र ३ छक्कासहित ३४ तथा ग्लेन म्याक्सवेल २८ रन बनाए । मार्कस स्टोइनिस ३० तथा म्याथ्यु वेडले १७ रन बनाए ।

इंग्ल्यान्डका क्रिस जोर्डनले दुई तथा मोईन अली, जोफ्रा आर्चार, आदिल राशिद र लियाम लिभिङस्टोनले समान एक एक विकेट लिए ।

अस्ट्रेलिया लगातार दोस्रो जितका साथ समूह बी मा शीर्ष स्थानमा रहँदै सुपर आठको सम्भावना बलियो बनाएको छ ।





थप समाचार

ccc

आयरल्यान्डलाई हराउँदै सुपर आठमा पुग्ने लक्ष्यमा अमेरिका

काठमाडौं । वेस्ट इन्डिज र अमेरिकामा जारी आईसिसी टी–२० विश्वकप क्रिकेट अन्तर्गतको ३० औं खेलमा शुक्रवार अमेरिका र आयरल्यान्डबीच भिड्दै […]

दक्षिण अफ्रिका र नेपाल पहिलो पटक भिड्दै

काठमाडौं । नेपाल र दक्षिण अफ्रिका अन्तर्राष्ट्रिय क्रिकेटको इतिहासमा पहिलो पटक भिड्ने भएका छन् । वेस्ट इन्डिज र अमेरिकामा जारी […]

७ महिना पछि नेपाली जर्सीमा फर्कदै सन्दीप

काठमाडौं । नेपाली राष्ट्रिय पुरुष क्रिकेट टोलीका पुर्व कप्तान तथा लेग स्पिनर सन्दीप लामिछाने ७ महिना १० पछि नेपाली टोलीको […]

दक्षिण अफ्रिकाविरुद्ध नेपाल सम्भावित प्लेईङ-११

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेको नेपालले दक्षिण अफ्रिकाको […]

दक्षिण अफ्रिकाविरुद्ध उमेर समूहको नतिजा दोहोर्याउने लक्ष्यमा नेपाल

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेका नेपाल र दक्षिण […]