- विकेटनेपाल, पौष ७ – शुक्रबार
एभरेस्ट प्रिमियर लिग क्रिकेट अन्तर्गत बिराटनगर वारियर्स र चितवन टाइगर्सबिचको खेलमा हंगकंगका कप्तान तथा बिराटनगर वारियर्सका खेलाडी बाबर हयातले विस्फोटक ब्याटिंग गरेका छन् ।
|| स्कोरकार्ड ||
किर्तिपुर मैदानमा भएको खेलमा बाबरले ८१ रनको पारि खेलेका हुन् । उक्त पारि खेल्ने क्रममा उनले ४२ बलमा ५ चौका र ६ छक्का प्रहार गरेका हुन् ।
ओपनर आसिफ शेख आउट भएपछी खेलको छैठौ ओभरमा आएका हयातले चितवन टाइगर्सको कप्तानी गरिरहेका दिपेन्द्र सिंह ऐरीले गरेको १३ औं ओभरमा २९ रन प्रहार गरेका थिए । सुरुको ४ बलमा ४ ओटा छक्का प्रहार गरेपछि ५ औं बलमा चौका प्रहार गरेका थिए भने खेलको अन्तिम बल वाइड हुदै अन्तिम बलमा १ रन बनेको थियो ।
उनले खेलको १९ औं ओभरको प्रमेश कुमारले गरेको चौथो बलमा लंगअफमा कमल सिंह ऐरीको हातबाट आउट हुनु अघि यस प्रतियोगिताको सर्बाधिक स्कोर बनाएका थिए भने एभरेस्ट प्रिमियर लिगको सर्बाधिक चौथो रन बनाएका थिए ।
सन् २०१६ को काठमाण्डौमा भएको एभरेस्ट प्रिमियर लिग क्रिकेट प्रतियोगितामा पन्चकन्या तेजबाट खेल्दै फाइनलमा कलर्स एक्स फ्याक्टरको बिरुद्द अविजित १११ रनको पारि खेलेका थिए भने बिशाल वारियर्सका कप्तान पारस खड्काले सगरमाथा लेजेंड्स बिरुद्द ९९ तथा सगरमाथा लेजेंड्सका सुनिल धमलाले बिशाल वारियर्स बिरुद्द ८७ रन बनाएका थिए ।
यसै खेलमा बलिंग तर्फ चितवन टाइगर्सका खेलाडी प्रवीण गुप्ताले एकै ओभरमा चार विकेट लिएका छन् ।
