काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा आज (बिहीबार) एक खेल हुदैछ ।
नवौं संस्करणको विश्वकपको २७ औं खेलमा समूह डी मा रहेका बंगलादेश र नेदरल्यान्ड्सबीच खेल हुदैछ । यस खेल नेपाली समय अनुसार बिहीबार बेलुका सवा आठ मा वेस्ट इन्डिजको सेन्ट भिन्सेन्टमा हुदैछ ।
दुवै टोली प्रतियोगिताको तेस्रो खेलमा दोस्रो जितको खोजीमा छन् । पहिलो खेल जितेका दुवैटोली आफ्नो दोस्रो खेलमा दक्षिण अफ्रिकासँग पराजित भएका थिए । बंगलादेशले पहिलो खेलमा श्रीलंका तथा नेदरल्यान्ड्सले नेपाललाई पराजित गरेका थिए ।
समूह डी बाट दक्षिण अफ्रिकाले सुपर आठमा स्थान पक्का गरिसकेको अवस्थामा दोस्रो स्थानमा रहेर अर्को चरणको यात्रा गर्न दुवै टोलीलाई यो खेल महत्वपूर्ण छ ।
नवौं संस्करणको विश्वकपमा पहिलो पटक २० राष्ट्रको सहभागीता रहेको छ । सहभागी २० राष्ट्रलाई चार समूहमा विभाजन गरिएको छ ।
समूह डी मा को बंगलादेश र नेदरल्यान्ड्सका अलावा श्रीलंका, नेपाल र दक्षिण अफ्रिका तथा समूह ए मा क्यानडा, अमेरिका, भारत, पाकिस्तान र आयरल्यान्ड रहेका छन् ।
समूह बी मा नामिबिया, ओमान, अस्ट्रेलिया, इंग्ल्यान्ड, स्कटल्यान्ड तथा समूह सी मा पीएनजी, वेस्ट इन्डिज, न्युजिल्यान्ड, अफगानिस्तान, युगान्डा छन् ।
हरेक समूहका शीर्ष दुई टोलीले सुपर आठमा स्थान बनाउने छन् । सुपर आठमा पनि दुई समूह हुनेछ । सुपर आठका हरेक समूहका शीर्ष दुई टोलीले सेमिफाइनलमा स्थान बनाउँने छन् ।
सेमिफाइनलका विजेता टोलीले फाइनलमा स्थान बनाउँदा फाइनलमा विजयी बन्ने टोलीले यस संस्करणको उपाधी जित्नेछ ।
