- विकेटनेपाल-भैरहवा, २६ माघ ।
नेपाल टेलिकम रुपन्देही सुपरलिग क्रिकेट अन्तर्गत बुधबार सम्पन्न समुह ‘बि’को खेलमा बुद्ध क्रिकेट क्लबले बुटवल-११ टिम माथि एक विकेटको रोमांचक जित हात पारेको छ ।
बुद्धले जितसंगै समूहको नतिजा पनि रोमाञ्चक बन्न पुगेको छ l अब सेमिफाइनल पुग्ने र रेलिगेशनमा पर्ने टिमको टुंगो शिबशक्ति क्रिकेट क्लब र बुटवल ११ बिचको अन्तिम खेलले लगाउने छ।
बुधबार सिद्धार्थ रंगशालामा टस जितेर ब्याटिंग गरेको बुटवलले निर्धारित ४० ओभरको खेलमा ३१.१ ओभरमा सबै विकेट गुमाई १ सय २१ रनको सामान्य योगफल खडा गरेको थियो। बुटवलको लागि उमेश गौतमले ३२, प्रथम पराजुलीले २७ र तौसिब आलमले १९ रन बनाए।
प्रतिउत्तरमा जितका लागि १ सय २२ रनको योगफल पछ्याउने क्रममा बुद्ध क्रिकेट क्लबले ३६.५ ओभरमा ९ विकेट गुमाउँदै लक्ष्य पुरा गरी जित हासिल गर्न सफल भयो । बुद्धको जितमा अर्जुन चौधरीले ३४, मधु गुप्ताले २५ र मनिष चौधरीले २० रन बनाए । यस अघि बुटवललाई सस्तैमा समेट्ने क्रममा बुद्धका परवेज चौधरी र मनिष चौधरीले समान ४/४ विकट लिएका थिए l
उता बुटवलका एजाज अहम्मदले ३, सुधन श्रेष्ठ र तौसिब आलमले २/२ विकेट लिएका थिए । खेलमा बुद्धका मनिष चौधरी म्यान अफ द म्याच घोषित भए ।
प्रतियोगिता अन्तर्गत २७ गते बिहीबार समुह ‘ए’ का लुम्बिनी खुकुरी क्लब र देबदह क्रिकेट युनिट बिच प्रतिस्पर्धा हुने छ । रुपन्देही क्रिकेट संघको आयोजना, नेपाल टेलिकमको प्रमुख प्रायोजन र बुम रेमिटको सहप्रायोजनमा जारी प्रतियोगिता फागुन ४ गतेसम्म संचालन हुने छ । प्रतियोगिताका बिजेताले ५० हजार, उपबिजेताले २५ हजार, उत्कृस्ट खेलाडीले १० हजार, उत्कृस्ट बलर र उत्कृस्ट ब्याट्सम्यान दुबैले ५/५ हजार नगद पुरस्कार पाउने छन् ।
यस अघिको खेलहरुबारे समाचार यो लिंकमा
