काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकप क्रिकेटमा आज (मंगलबार) पाकिस्तान र क्यानडा भिड्दै छन् ।
विश्वकपको १९ औं खेलमा समूह ए मा रहेका पाकिस्तान र क्यानडा नेपाली समय अनुसार बिहीबार बेलुका सवा आठमा अमेरिकाको न्युर्योकमा खेल्दैछन् ।
पहिलो दुवै खेलमा पराजित पाकिस्तानलाई सुपर आठको सम्भावना कायमै राख्न जित्नै पर्ने दवाव रहेको छ । पाकिस्तान पहिलो खेलमा सहआयोजक अमेरिकासँग सपर ओभरमा पराजित हुँदा दोस्रो खेलमा भारतसँग पराजित भएको थियो ।
यस खेलमा पराजित भएमा पाकिस्तान नवौं संस्करणको विश्वकपबाट घर फर्कने छ ।
क्यानडालाई पनि सुपर आठ प्रवेशको सम्भावना कायम राख्न जित्नै पर्ने दवाव रहेको छ । पहिलो खेलमा सहआयोजक अमेरिकासँग पराजित क्यानडाले दोस्रो खेलमा आयरल्यान्डलाई पराजित गरेको थियो ।
नवौं संस्करणको यस विश्वकपमा पहिलो पहिलो पटक २० राष्ट्रको सहभागीता रहेको छ । सहभागी २० राष्ट्रलाई चार समूहमा विभाजन गरिएको छ ।
समूह ए मा पाकिस्तान र क्यानडाका अलावा भारत, अमेरिका, आयरल्यान्ड तथा समूह बी मा अस्ट्रेलिया, इंग्ल्यान्ड, स्कटल्यान्ड, नामिबिया र ओमान छन् ।
समूह सी मा वेस्ट इन्डिज, न्युजिल्यान्ड, अफगानिस्तान, युगान्डा र पपुवा न्यु गिनी तथा समूह डीमा नेपाल, नेदरल्यान्ड्स, दक्षिण अफ्रिका, श्रीलंका र बंगलादेश छन् ।
हरेक समूहका शीर्ष दुई टोलीले सुपर आठमा स्थान बनाउने छन् । सुपर आठमा पनि दुई समूह हुनेछ । यसका हरेक समूहका शीर्ष दुई टोलीले सेमिफाइनलमा स्थान बनाउँने छन् । सेमिफाइनलका विजेता टोलीले फाइनलमा स्थान बनाउँदा फाइनलमा विजयी बन्ने टोलीले यस संस्करणको उपाधी जित्नेछ ।
https://youtu.be/x5ABnznRwwk?si=Y6KmB9jvVIEyK-GG
