- विकेटनेपाल, भदौ ४
बहुप्रतिक्षित कर्पोरेट क्रिकेट प्रतियोगिता सेन्चुरी ब्यांक कर्पोरेट सुपर सिक्सेजको चौथो संस्करण अक्टोबर २९ देखि ४ नोभेम्बरसम्म आयोजना हुने भएको छ l
एसएस इभेन्टसले प्रत्येक बर्ष आयोजना गर्दै आएको प्रतियोगिताको यो संस्करणमा २४ कर्पोरेट टिमहरु सहभागी हुनेछन् l
प्रतियोगितामा सहभागी हुन टिम दर्ता आइतबार देखि सुरु गरिएको इभेन्टसका प्रमुख कार्यकारी अधिकृत रमन शिवाकोटीले जानकारी गराउनु भएको छ l सुरुमा दर्ता गर्ने टिमलाई प्रमुख प्राथमिकता दिईने हुनाले छिटो आफ्नो सिट सुरक्षित गर्न समेत शिवाकोटीले आग्रह गर्नुभएको छ l
सिक्सेजको तेश्रो संस्करणको उपाधि सेन्चुरी ब्यांकले नेपाल एसबिआई ब्यांकलाई ६ विकेटले पराजित गर्दै जितेको थियो l
प्रतियोगिताको उत्कृस्ट खेलाडी, उत्कृस्ट ब्याट्सम्यान/बलर/फिल्डर तथा धेरै छक्का प्रहार गर्ने खेलाडीलाई आकर्षक पुरस्कारको ब्यबस्था गरिनेछ l खेल अबधिमा हिट द बोर्ड आकर्षण हुनेछ भने सबैभन्दा अनुशासित टिमलाई बिशेष ट्रफी प्रदान गरिनेछ l
लिग कम नकआउटको आधारमा खेलाईने प्रतियोगिताको खेलहरु ५ ओभर प्रति इनिंगको हुने गर्दछ l प्रतियोगिताको सम्पूर्ण खेलहरु त्रिभुवन बिश्व बिद्यालय क्रिकेट मैदान ( टियु ) किर्तिपुरमा संचालन हुनेछ l
