Sudurpaschim Province vs Gandaki Province Live



एनएमबि र एनसीसी क्वार्टरफाइनलमा

  • विकेटनेपाल, कार्तिक २३

एनएमबि बैंक र एनसीसी ब्यांक सेन्चुरी बैंक कर्पोरेट सुपर सिक्सेस क्रिकेट प्रतियोगिताको क्वार्टरफाइनल प्रवेश गरेका छन्।

एसएस इभेन्ट्सको आयोजनामा त्रिबि मैदान किर्तिपुरमा सम्पन्न तेश्रो दिनको २ प्रि-क्वार्टरफाइनल खेलमा एनएमबिले नबिल बैंकलाई तथा एनसीसी बैंकले रमन जेनेरललाई पराजित गर्दै क्वार्टर-फाइनलमा स्थान पक्का गरेको हो।

प्रतियोगिताको भोलि शुक्रबार संचालन हुने अन्य प्रि-क्वार्टरफाइनल खेलहरुमा समुह ‘ए’ को बिजेता नेपाल एसबिआई बैंकले समुह ‘बि’ को उपविजेता सुर्य नेपालको, समुह ‘बि’ को बिजेता सिप्रदी ट्रेडिंगले समुह ‘ए’ उपविजेता कैलाश विकास बैंकको सामना गर्नेछ। यस्तै समुह ‘सी’ बिजेता आईसीएफसी फाइनान्सले समुह ‘डी उपविजेता माछापुच्छ्रे बैंकको, समुह ‘डी’ को बिजेता सेन्चुरी बैंकले समुह ‘सी’ उपविजेता नेपाल टेलिकमको सामना गर्नेछ। यस्तै समुह ‘जी’ को बिजेता सिभिल बैंकले समुह ‘एच’ उपबिजेता जनता बैंकको र समुह ‘एच’ बिजेता सन्बी डिजाइनले समुह ‘जी’ उपविजेता एनआईसी एसिया बैंकको सामना गर्नेछ।

२४ टोलि सहभागी प्रतियोगिताको फाइनल खेल शनिबार खेलिनेछ।

एनएमबी बैंक र नबिल बैंकबीच भएको पहिलो प्री-क्वाटरफाईनलमा एनएमबी बैंक १९ रनले बिजयी भएको थियो (स्कोरकार्ड) । एनएमबीले बरुण घिमिरेको ३६ तथा मोहन केसीको ३२ रनमा १०३ रन बनायो । जवाफमा अमित पोखरेलले ३४ रन बनाएपनि नबिल बैंकले मात्र ८४ रन बनाउन सक्यो ।

त्यस्तै दोश्रो प्री-क्वाटरफाईनलमा एनसिसी बैंकले रमन जेनरललाई १६ रनले पराजित गरेको छ (स्कोरकार्ड) । सचिन गुप्ताको ३६ रनमा एनसिसी बैंकले ९१  रन बनायो । जवाफमा सुमित श्रेष्ठले ३४ रन बनाएपनि रमन जेनरलले  मात्र ७५ रन बनाउन सक्यो ।

आज सम्पन्न ओम बिकाश बैंक र एनसिसी बैंक बिचको खेलमा एनसिसी बैंक १५ रनले बिजयी भएको छ (स्कोरकार्ड) । पहिले ब्याटिंग गरेको एनसिसीले सचिन गुप्ताको ३६ रनको सहयोगमा ५ ओभरमा ६८/१ को स्कोर तयार गर्यो। जवाफमा ओम बिकाश बैंकले ललित बसेलले १५ रन बनाएपनि ५ ओभरमा ४३/५ को स्कोरमात्र बनाउन सक्यो । एनसिसी बैंकका सुबाश कुँवरले ३ विकेट लिए ।

जनता बैंक र मेगा बैंक बिचको खेलमा जनता बैंकले ५ विकेटको जित दर्ता गर्यो (स्कोरकार्ड) । पहिले ब्याटिंग गरेको मेगा बैंकले ५ ओभरमा ४९/४ को स्कोर तयार पार्यो । प्रतिउत्तरमा जनता बैंकले रमेश महर्जनको ३१ रनमा मात्र ४.२ ओभरमा लक्ष्य पुरा गर्यो ।

सिप्रदी र प्रभु बैंक बिचको खेलमा सिप्रदीले ४४ रनको फराकिलो जित दर्ता गर्यो (स्कोरकार्ड) । सिप्रदीले पहिले ब्याटिंग गर्दै नितेश भट्टराईको ३५ तथा सैलेन्द्र नेपालीको २६ रनको सहयोगमा ९८/० रनको योगफल तयार पार्यो । प्रतिउत्तरमा प्रभु बैंकले राजु केसीले ३५ रन बनाएपनि ३ विकेट गुमाएर मात्र ५४ रनमा समेटियो ।

सिभिल ब्यांकले सांग्रिला स्पिरिट्सलाई ६ विकेटले पराजित गर्यो । पहिले ब्याटिंग गर्दै सांग्रिलाले मात्र ३९ रन बनाउन सक्यो जुन योगफल सिभिलले १.३ ओभरमै भेटायो। सिभिलका राजन खड्गीले २ तथा गौरब नेपाल र भोला बिस्टले १/१ विकेट हात पारे भने ब्याटिंग तर्फ भोला बिस्टले २ छक्का मदतले अविजित १७ रन प्रहार गरे।

माछापुच्छ्रे बैंक र अन्नपूर्ण मिडिया नेटवर्कबिचको खेलमा माछापुच्छ्रे ४ विकेटले विजयी भयो (स्कोरकार्ड) । अन्नपूर्णले पहिले ब्याटिंग गर्दै ३ विकेटमा ५९ रन बनायो जवाफमा माछापुच्छ्रेले सुमित श्रेष्ठले ३१ रन बनाउदा ४.२ ओभरमा २ विकेट गुमाएर लक्ष्य भेट्टायो ।

सन्बी डिजाईन र मेगा बैंकबीच भएको खेलमा सन्बी डिजाईनले ४३ रनको फराकिलो जित दर्ता गरेको छ (स्कोरकार्ड) । पहिले ब्याटिंग गरेको सन्बीले विजय बाराकोटीको ३१ रनको मद्दतमा ५ ओभरमा २ विकेट गुमाएर १०६ रन बनायो । जवाफमा मेगा बैंकले २ विकेट गुमाएर ६३ रन मात्र बनाउन सक्यो ।

सुर्य नेपाल र प्रभु बैंक बिच भएको समूह चरणको अन्तिम खेलमा सुर्य नेपालले ५ विकेटको जित दर्ता गर्यो (स्कोरकार्ड) । प्रभु बैंकले अभिषेक शर्माको ३१ रनमा ७०/६ को योगफल तयार गर्यो । सुर्य नेपालका अलिस श्रेष्ठले २ विकेट लिए । प्रतिउत्तरमा सुर्य नेपालले  अमित पाठकको ३१ रनमा मात्र ३.५ ओभरमा लक्ष्य पुरा गर्यो ।

 

 





थप समाचार

महिनावारी स्वच्छता दिवस : मैत्रीपूर्ण क्रिकेटमा सप्तरी विजयी

राजबिराज बालविवाह अन्त्यकाे लागि मर्यादित महिनावारी नारा संगै महिनावारी स्वक्षता दिवसकाे अवसरमा किसाेरी समूह बिच मैत्री क्रिकेट खेलमा सप्तरी विजयी […]

ICCWCL2 : स्कटल्याण्डसंग नेपालको लज्जास्पद हार

आईसीसी विश्वकप लिग-२ अन्तर्गत नामिबियामा सम्पन्न त्रिकोणात्मक एकदिवसीय अन्तर्राष्ट्रिय सिरिजको आफ्नो चौंथो तथा अन्तिम खेलमा पनि नेपाल ८ विकेटले पराजित […]

स्कटल्याण्डसंग टस जितेर नेपाल ब्याटिंग गर्दै, कुशल भुर्तेल बाहिर

नामिबियामा जारी आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजको आफ्नो चौंथो तथा अन्तिम खेलमा नेपाल स्कटल्याण्डसंग खेल्दैछ। युनाइटेड क्रिकेट क्लब […]

एनसिएसएस रुपन्देहीद्वारा पूर्व राष्ट्रिय क्रिकेटर शक्ति गौचन सम्मानित , माधब शर्मा जिल्ला संयोजक चयन

२१ मङ्सिर , २०७९ नेपाली क्रिकेट समर्थक समाज ( NCSS) जिल्ला समन्वय समिति रुपन्देहीले पूर्व राष्ट्रिय क्रिकेटर शक्ति गौचनलाई सम्मान […]

पीएसएलको ड्राफ्टमा पांच नेपाली खेलाडी

नेपाली राष्ट्रिय क्रिकेट टोलीका पांच खेलाडी पाकिस्तानी सुपर लिग (पीएसएल)को ड्राफ्टमा परेका छन् । नेपाली टोलीका दुई विकेटकिपर ओपनिंग ब्याट्सम्यान […]

ICCWCL2 : नामिबियाद्वारा नेपाल पराजित

नामिबियामा जारी आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजको आफ्नो तेस्रो खेलमा नेपालले घरेलु टोली नामाबियासँग ८६ रनले पराजित भएको […]