ललितलाई सहयोग गर्न सिप्यानको अपिल , यसरी गर्नुस सहयोग

, २०७७ भाद्र ३०, मंगलवार ११:४०

कन्चनपुरमा आइतबार साँझ मोटरसाइकल दुर्घटनामा परेपछि घाइते भएका राष्ट्रिय क्रिकेट टिमका फास्ट बलर ललित सिंह भण्डारीको उपचारको लागि नेपाल क्रिकेट खेलाडी संघ ( सिप्यान ) ले सहयोग अभियान चलाउने भएको छ। मिनीट्रकले ठक्कर दिएपछि घाइते भण्डारीलाई उपचारको लागि सोमबार बेलुका कोहलपुर मेडिकल कलेजबाट हेलिकप्टरमा ग्रयान्डी हस्पिटल ल्याइएको छ। खतरामुक्त भएका भण्डारीको दायाँ खुट्टा र हात भाँचिएको छ जसको शल्यक्रिया गर्नुपर्नेछ।

क्रिकेट खेलाडी संघले मंगलबार प्रेस बिज्ञप्तिमार्फत खेलाडीहरुको हकहितको लागि आफ्नो संघ समर्पित भएको भन्दै सहयोगको प्रतिबद्धता व्यक्त गरेको छ। भण्डारीलाई सहयोग गर्न सीप्यानले आफ्नो बैंक खाता दिएको छ जसमा इच्छुकहरुले रकम जम्मा गर्न सक्नेछन्। संकलित सम्पूर्ण रकम सिप्यानले भण्डारीलाई हस्तान्तरण गर्ने बताईएको छ। विज्ञप्तिमा सिप्यानका अध्यक्ष मनिषराज पाण्डे र महासचिव पारस खड्काले हस्ताक्षर गरेका छन्।

प्रेस बिज्ञप्ति