- विकेटनेपाल, मङ्सिर २ – दाङ
दाङ क्रिकेट संघको आयोजनामा संचालन भैरहेको सगरमाथा सिमेन्ट दंगाली टि- २० कप २०१७, क्लब स्तरिय रास्ट्रिय प्रतियोगिता अन्तर्गत शनिबार भएका क्वाटर फाईनलका खेलहरुमा भ्याली जुनियर क्रिकेट क्लब र योंग गन्ज नेपालगन्ज बिजयी भएका छन् ।
पहिलो खेलमा टस जितेर ब्याटिङ गरेको भ्याली जुनियर क्रिकेट क्लबले २० ओभर खेल्दै २०२ रन बनाएको थियो। उसका इसान पान्डेले ५९, सोनु तामांगले ५२ र प्रज्वल शाहिले ४२ रन बनाएका थिए। बलिङतर्फ घोराही ग्लाडिएटरका अब्दुल नसिम र आशिष केसिले समान २ विकेट लिए ।
२०३ रनको बिजयी लक्ष्य लिएर मैदानमा उत्रिएको घोराही ग्लाडिएटर खराब सुरुवात गर्दै २० ओभरमा ९ विकेट गुमाउदै १०० रनमा सिमित भएको थियो। ब्याटिङतर्फ आशिस केसिले २५ र महेश लम्सालले १४ रन बनाएपनि अन्य ब्याटसम्यान चल्न सकेनन। घोराही ग्लाडिएटरलाई सस्तैमा रोक्न भ्याली जुनियर क्रीकेट क्लबका किरण कार्किले ३ तथा बिष्णु ठकुरि र बिक्रम केसिले २/२ विकेट लिएका थिए।
शनिबारनै सम्पन्न दोश्रो खेलमा योंग गन्ज नेपालगन्ज २ विकेटले बिजयी भएको छ।
टस जितेर पहिला ब्याटिङ रोजेको योङ स्टार क्रीकेट क्लबले २० ओभर खेल्दै १२५ रन बनाएको थियो। जसमा राहुल पोख्रेलले ३५ रन र बिवस गिरिले १५ रन बनाएका थिए ।
१२६ रनको बिजयी लक्ष्य लिएर मैदानमा उत्रिएको योङ गन्ज नेपालगन्जले १९.१ ओभरमा ८ विकेट गुमाउदै लक्ष्य पूरा गरेको थियो । ब्याटिङ तर्फ खराब सुरुवात गरेको योंग गन्ज नेपालगन्जका लागि गौतम कनोरियाले (२६) र अनिमेस शाहि (१६) ले आठौ विकेटको लागि अविजित ४६ रनको साझेधारी गरेका थिए । बलिङतर्फ योङ स्टार क्रीकेट क्लबका दिवान पुनले ३ र सुदिप नेपालीले २ विकेट लिएका थिए।
खेलमा म्यान अफ दि म्याच भएका नेपालगंजका गौतम कनोरियालाई घोराही उपमहानगरपालिका वडा न १५ का सदस्य सनत श्रेष्ठले म्यान अफ दि म्याचको पुरस्कार रु ३ हजार प्रदान गर्नुभएको थियो ।
सेमिफाइनल:
देउखुरी क्रिकेट क्लब भर्सेस युएनबिसी क्रिकेट क्लब – भोलि बिहान ९ बजे
भ्याली जुनियर क्रिकेट क्लब भर्सेस योङ स्टार क्रिकेट क्लब – भोलि दिउसो १ बजे
