- विकेटनेपाल, २८ भदौ
एसीसी यु-१९ पूर्वी क्षेत्र प्रतियोगिता अन्तर्गत आफ्नो दोश्रो खेलमा टस हारेर बलिंग गरेको नेपालले भुटानलाई ५० रनमै अल आउट गरेको छ l
कप्तान दिपेन्द्र ऐरीले सर्बाधिक ५ तथा सन्दिप लामिछानेले ४ विकेट हात पारेपछि भुटान नेपाल सामु निरिह साबित भएको थियो l ऐरीले ८ ओभर बलिंग गर्दै २३ रन खर्चेर ५ विकेट हात पारे भने लामिछानेले ७ ओभरमा मात्र ७ रन खर्चदै ३ मेडन ओभर समेत फालेका थिए l
भुटानको लागि टासी फुन्सोले सर्बाधिक १६ रन प्रहार गरेका थिए भने ओपनर उगेन दोर्जीले १३ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन् l भुटानको इनिंगमा मात्र २ चौका प्रहार भएको थियो l
किनरारा मैदानमा भुटानले टस जितेर ब्याटिंग गरेको थियो जसपछि तेश्रो ओभरमा नन्दन यादबले पहिलो सफलता दिलाएसंगै लगातार विकेट गुमाएको थियो l नेपालले ९ रन अतिरिक्तको रुपमा खर्चेको थियो l
नन्दन यादबले १ विकेट हात पार्दा रोहित पौडेल, बिक्रम भुसाल र पवन सर्राफ विकेट बिहिन भएका थिए l
यो खेलमा भुटान पराजित भए नेपाल सेमीफाइनल पुग्ने पक्का हुनेछ l
खेलको अपडेट यो लिंकमा :- http://bit.ly/2wW4MXP
स्कोरकार्ड : https://goo.gl/ritGjF
