बहुप्रतिक्षित क्रिकेट प्रतियोगिता एभेरेस्ट प्रिमियर लिगको सुरुवात वर्षाले खल्लो बनाएको छ । बिशाल वारियर्स र कान्तिपुर गोर्खा बीच उद्घाटन खेल मात्रै हैन प्रतियोगिताको औपचारिक उद्घाटन पनि वर्षाले अबरुद्ध बनायो ।
पहिलो खेल नभएपछि वारियर्स र गोर्खाले १/१ अंक बाँडे । पानि रोकिने र खेल सुचारु हुने आशामा दिनभर बसेका खेलाडी तथा समर्थकहरुको पर्खाई निराशामा बदलियो ।
१२:३० बजे हुने खेलको टस समेत हुन पाएन । त्यसभन्दा अघि गायक दिपक बज्राचार्यको सांगीतिक प्रदर्शन तथा उद्घाटन कार्यक्रम पनि समयमा हुन पाएन l १२ बजे बाट पर्न सुरु गरेको मुसलधारे पानी लगातार २ घण्टा परेपछि टियु मैदान जलमग्न हुन पुगेको थियो ।
२ बजे पछि पानी थामिएपनि मैदानमा पानि नसुकेपछि ३ बज्दा म्याच रेफ्रीले खेल रद्द भएको घोषणा गरेका थिए । खेल अबरुद्ध भएपछि मैदानमा गायक दिपक बज्राचार्यले संगीतिक प्रदर्शनी गरेका थिए ।
९-१० बजे देखिनै मैदानमा दर्शकहरुको उल्लेख्य उपस्थिति भएपनि भारि वर्षा पश्चात दर्शक संख्या घटेको थियो l बेलुका सम्म पनि उल्लेख्य संख्यामा दर्शकहरु खेल हुने पर्खाईमा बसेका थिए ।
त्यसभन्दा अघि खेलकुद मन्त्रि दलजित श्रीपालीले प्रतियोगिताको औपचारिक उद्घाटन गर्नु भएको थियो । सबै टिमका कप्तानले आफ्नो आफ्नो टिमको झन्डा फहराउदै प्रतियोगिताको सुरुवात गरेका थिए ।
प्रतियोगिता अन्तर्गत आइतबार पहिलो खेलमा बिहान ९:३० बजे पन्चकन्या तेज र जगदम्बा राइनो तथा दोश्रो खेलमा १:१५ बजे सगरमाथा लेजेंड्स र कान्तिपुर गोर्खा प्रतिस्पर्धा गर्नेछन् ।
