Sudurpaschim Province vs Gandaki Province Live



ईपीएललाई आईसीसीको मान्यता, २० हजार डलर तिर्नुपर्ने

  • विकेटनेपाल, मङ्सिर २८ 

यही पुष ३ गतेबाट आयोजना हुने एभरेस्ट प्रिमियर लिग टि-२० ( ईपीएल ) लाई अन्तर्राष्ट्रिय क्रिकेट परिषद आईसीसीले मान्यता दिएको छ।

एभरेस्ट प्रिमियर लिगले आज साँझ जारि गरेको प्रेस बिज्ञप्ति अनुसार ईपीएलको २०१७ सिजनलाई आईसीसीले मान्यता दिएको तथा आईसीसीले रास्ट्रिय र अन्तर्राष्ट्रिय खेलाडीहरु खेल्न प्रतियोगितालाई खुला गरेको बताईएको छ।

केहि दिन अघि आईसीसी द्वारा प्रतियोगिता मान्यता प्राप्त नभएको खबर आएपछि बिदेशी तथा स्वदेशी खेलाडीहरु खेल्न नपाउने कुरा सार्वजनिक भएको थियो। आईसीसीले मान्यता दिएको ईपीएल पहिलो घरेलु प्रतियोगिता भएको छ।

ईपीएलमा बिभिन्न नेपालका सहरहरुको नाममा ६ वाट टिम खेल्दै छन् जसमा प्रत्येक टिमले ३ जना बिदेशी खेलाडी खेलाउनै पर्ने नियम राखिएको छ। प्रत्येक टिममा १/१ जना मार्की खेलाडी राखिएको छ भने १० जना खेलाडीहरु प्रत्येक टिमले अक्सन मार्फत खरिद गरिसकेको छ। प्रतियोगिताको बिजेताले २१ लाख रुपैयाँ पाउनेछ।

ईपीएल प्रबन्ध निर्देशक आमिर अख्तरको नाममा जारि बिज्ञप्तिमा आईसीसीद्वारा क्रिकेट बोर्ड प्रतिबन्ध गरिएको देशमा घरेलु प्रतियोगिता गराउन आईसीसीको मान्यता लिनुपर्ने रहेको जसअनुरुप ईपीएलले आईसीसीको निर्देशन अनुरुप सम्पूर्ण प्रक्रिया पुरा गरेपछि आईसीसीले प्रतियोगितालाई मान्यता दिएको हो। झन्डै २ बर्ष अघि देखि नेपाल क्रिकेट संघ ( क्यान ) लाई लगाएको प्रतिबन्ध आईसीसीले फुकुवा गरेको छैन।

ईपीएल प्रबन्ध निर्देशक आमिर अख्तर

ईपीएललाई आईसीसीले मान्यता दिएबापत २० हजार अमेरिकी डलर समेत बुझाएको बताएको छ। त्यो पैसाको उपयोग आईसीसीले नेपाली क्रिकेटकै विकासको लागि लगाउने छ। आईसीसीले दिएको मान्यता आगामी बर्षको लागि भने हैन। यो बर्षको सिजनले मात्रै आईसीसीले मान्यता दिएको बताईएको छ।

यो पनि पढ्नुस – ११ फोटोमा हेर्नुस, ईपीएलमा यस्तो देखिनेछ टियु मैदान

आईसीसीले विश्वसनीय सरोकारवालाहरुसंगको सल्लाह पछि ईपीएललाई मान्यता दिएको बिज्ञप्तिमा उल्लेख छ। आईसीसीले दिएको मान्यता ईपीएलको लागि मात्रै नभईकन समग्र नेपाली क्रिकेट समर्थकहरुको लागि समेत खुसिको खबर भएको आयोजकले बिज्ञप्तिमा बताएको छ।

ईपीएलमा काठमाडौँ किंग्स ११ , ललितपुर प्याट्रियट्स, बिराटनगर वारियर्स, भैरहवा ग्ल्याडीयटर्स, पोखरा राइनोज र चितवन टाइगर्स गरी प्रतियोगितामा ६ वटा टिम रहेका छन्।

काठमाडौँ किंग्स ११ को मार्की खेलाडी सोमपाल कामि, ललितपुर प्याट्रियट्सको मार्की ज्ञानेन्द्र मल्ल, बिराटनगर वारियर्सको मार्की पारस खड्का, भैरहवा ग्ल्याडीयटर्सको मार्की शरद भेसावकर, पोखरा राइनोजको मार्की शक्ति गौचन तथा चितवन टाइगर्सको मार्की दिपेन्द्र ऐरी रहेका छन् ।

यो पनि पढ्नुस –   चिन्नुस् आईपीएल खेलेका यी क्रिकेटर जो ललितपुरबाट ईपीएल खेल्दैछन्





थप समाचार

वर्षाले खेल नतिजाविहिन हुँदा नेपाल र नामिबियाले बाँडे अंक ( अंकतालिका सहित )

आईसीसी विश्वकप लिग-२ अनार्गत नामिबियामा जारि त्रिकोणात्मक एकदिवसीय अन्तर्गत नेपाल र आयोजक नामिबिया बीचको खेल वर्षाले प्रभावित हुँदा नतिजाविहिन टुंगिएको […]

U19 National : आकाशको ह्याट्रिक विकेट, सुदूरपश्चिम फाइनल पुग्दा मधेश प्रदेशको पहिलो जित

सुदूरपश्चिम प्रदेश काठमाडौंमा जारी यू–१९ राष्ट्रिय क्रिकेट प्रतियोगिताको फाइनलमा प्रवेश गरेको छ । मुलपानी क्रिमेट मैदानमा शुक्रबार भएको लिग चरणको […]

ICCWCL2 : टस हारेर नेपाल ब्याटिंग गर्दै, करन बाहिर

नामिबियामा जारि आईसीसी विश्वकप लिग-२ अन्तर्गतको त्रिकोणात्मक सिरिजमा आज नेपाल र नामिबिया प्रतिस्पर्धा गर्दैछन्। विन्ढोक स्थित युनाइटेड क्रिकेट क्लब मैदानमा […]

ICCWCL2 : स्कटल्याण्डद्वारा नामिबिया पराजित

घरेलु टोलि नामिबियालाई ४ विकेटले पराजित गर्दै विश्वकप लिग-२ अन्तर्गत त्रिकोणात्मक सिरिजको पहिलो खेलमा स्कटल्याण्डले विजयी सुरुवात गरेको छ। सिरिजमा […]

U19 National : निर्मलको ५ विकेटमा लुम्बिनीको चौंथो जित, गण्डकी जितमा सुबासको ६ विकेट

अन्डर-१९ राष्ट्रिय प्रतियोगिता अन्तर्गत बिहिबार सम्पन्न दुई खेलमा लुम्बिनी प्रदेश र गण्डकी प्रदेश विजयी भएका छन्। प्रदेश नम्बर-१ लाई ६ […]

नेपाल टि-२० लिगबाट कान्तिपुर गोर्खाज बाहिरियो, लिग फेरी सर्ने

यही डिसेम्बर १२ तारिख ( मङ्सिर २६ गते ) देखि काठमाडौँमा आयोजना हुने नेपाल टि-ट्वान्टी लिगबाट काठमाडौँ गोर्खाज टिमले नाम […]