- विकेटनेपाल, जेठ ११
यही जेठ १६ देखि १९ गते सम्म माइक्रोम्याक्स इन्टर स्कुल इन्डोर क्रिकेट प्रतियोगिता आयोजना हुने भएको छ l
भ्यागुते प्रोडक्सनले आयोजना गर्न लागेको प्रतियोगितामा काठमाडौँका ८ वटा स्कुलले प्रतिस्पर्धा गर्नेछन् l सहभागी टिमलाई २ समुहमा बिभाजन गर्दै प्रत्येकले एकअर्का बिरुद्ध समुह चरणमा खेल्नेछन् जसपछि समुहको उत्कृस्ट २ टिमले सेमीफाईनलमा स्थान बनाउने छन् l
प्रतियोगिताको सबै खेलहरु रातो पुल स्थित भेलोसिटि एरिनामा संचालन हुनेछ l लिग चरणको खेलहरु १२ ओभर प्रति इनिंगको खेलिनेछ भने फाइनल खेल २४ ओभर प्रति इनिंगको हुन प्रोडक्सनका सचिब केशब बहादुर भण्डारीले जानकारी गराएका छन् l
काठमाडौँमा बिहिबार आयोजित पत्रकार सम्मेलनमाझ प्रतियोगिताको घोषणा गर्दै प्रोडक्सनका उपाध्यक्ष रबिन जोशीले स्कुल स्तरको प्रतिभाहरुलाई प्रस्फुटन गर्ने उद्देश्यका साथ प्रतियोगिता आयोजना गर्नलागेको बताउनुभयो l
प्रतियोगितालाई मुख्य प्रायोजन माइक्रोम्याक्सले गर्ने भएको छ भने सह-प्रायोजकको रुपमा सिभिल मल रहनेछ l माइक्रोम्याक्सका ब्रान्ड म्यानेजर धिरेन्द्र कुसवाहाले प्रतियोगिताले साना खेलाडीहरुलाई एक्सपोजर प्रदान गर्न महत्वपूर्ण योगदान पुर्याउने बताउनु भएको थियो l
प्रतियोगितामा सहभागी टोलिहरु :-
- Ujjwal Shishu Niketan Academy
- A.V. S.K.V.B Higher Secondary Boarding School
- Api School
- Green Laws Academy
- Premier International IB/Pyp World School
- Meridian International School
- Nitin Memorial H.S. School
- Vidhya Sanskar School