- विकेटनेपाल – ९ माघ, मंगलवार
किर्तिपुर स्थित लैबोरेटरी स्कुलको खेलमैदानमा जारि सातौ एनकासा इन्टर फर्म टी २० क्रिकेट टूर्नामेन्टमा दोस्रो दिनका खेल सम्पन्न भएका छन्। नेपाल चार्टर्ड अकाउंटेंट बिद्यार्थी संगठन एनकासाको आयोजना भैरहेको प्रतियोगितामा आज भएका खेलमा एनबिएसएम र जीएसएनएस बगाले ले जित हात पारे।
आज भएको दिनको पहिलो खेलमा एनबिएसएमले एलएसपि एसोसिएट्स माथि १० विकेटको सहज जित हात पार्यो। पहिले ब्याटिंग गर्दै एसोसिएट्सले दिएको ५५ रनको झिनो लक्ष्य एन बि एस एमले ४.४ ओभरमा बिना कुनै विकेटको क्षतिमा पुरा गर्यो।
यसअघि पहिले ब्याटिंग गरेको एलएसपी एसोसिएट्सले खराव प्रदर्शन गर्दै झिनो स्कोर मात्र जोडेको थियो। मात्र ५४ रन बनाउँदा एसोसिएट्सले सबै विकेट गुमाएको थियो। खेलको म्यान अफ दि म्याच एनबिएसएमका सुरज दास घोसित भए।
यस्तै आजनै सम्पन्न दिनको दोस्रो खेलमा भने जेएसएन/ एस बगाले कुबेर एण्ड क. माथि ८ विकेटको सानदार जित हार पार्यो।
कुबेर एण्ड क.ले दिएको ७३ रनको लक्ष्य जेएसएन/ एस बगाले मात्र ८ ओभरमा २ विकेटको क्षतिमा भेट्टायो। जेएसएन/एस को जितमा खेलका म्यान अफ द म्याच राजन डाँगीले उत्कृस्ट प्रदर्शन गरे। यसअघि पहिले ब्याटिंग गरेको कुबेर एण्ड क.ले भने निर्धारित १५ ओभरमा ९ विकेट गुमाउंदै ७२ रन मात्र जोडको थियो।
प्रतियोगिताकै क्रममा आज भएको मैत्रीपूर्ण खेलमा भने एनकासाले जित हात पारेको छ। एक्यान बिरुद्धको मैत्रीपूर्ण खेलमा ऋषि पोखरेलले उत्कृस्ट प्रदर्शन गर्दा एनाकासाले जित हात पार्यो। एक्यानले दिएको ९३ रनको लक्ष्य एनकासाले ५ विकेट गुमाउंदै भेट्टाएको थियो। ब्याटिंगतर्फ ४९ रन र बलिंग तर्फ २ विकेट लिएका ऋषि पोखरेल खेलको म्यान अफ द म्याच घोसित भएको कार्यक्रम संयोजक रमेश पन्थीले जानकारी दिनुभयो।
