- विकेटनेपाल, १० माघ- बुधबार
खुकुरी च्यालेन्जर्स कप प्रतियोगिताको दोश्रो संस्करण बुधबार देखि सुरु भएको छ।
मुलपानी क्रिकेट मैदानमा पहिलो दिनको दुवै खेल वर्षाको कारण सम्भव हुन सकेन जसपछि ४ वटै टिमले १-१ अंक बाँडेका छन्। पहिलो खेलमा काठमाडौँ क्रिकेट ट्रेनिंग सेन्टर र अल्टिमेट इन्डोर क्रिकेट तथा दोश्रो खेलमा आरसीए प्युठान च्यालेन्जर्स र शान्तिनगर युवा क्लब बीच प्रतिस्पर्धामा वर्षा बाधक बन्यो। बिहिबार प्रतियोगिता अन्तर्गत दुई खेल खेलिनेछन् जस अन्तर्गत पहिलो खेलमा ओएसिस क्रिकेट एकेडेमी र ग्रेट हिमालय क्रिकेट एकेडेमी र दोश्रो खेलमा आईओई थापाथली र नेपाल क्रिकेट स्कुल प्रतिस्पर्धा गर्नेछन्।
खुकुरी इन्टरटेन्मेन्टको आयोजनामा सुरु भएको प्रतियोगिताको बिजेताले ३ लाख रुपैयाँ तथा उपविजेताले १ लाख रुपैयाँ पाउने छ। यस्तै उत्कृस्ट खेलाडीले २० हजार तथा बलर/ब्याट्सम्यानले १०/१० हजार रुपैयाँ पुरस्कार पाउनेछ।
कुल २० टिम सहभागी रहेको प्रतियोगिता २४ दिनसम्म चल्नेछ। २० टिमलाई ४ वटा समुहमा बिभाजन गरेर लिग-कम नक-आउट फर्म्याटमा खेलाइनेछ। प्रतियोगिताको सेमीफाइनल र फाइनल खेल त्रिभुवन अन्तर्राष्ट्रिय क्रिकेट मैदान कीर्तिपुरमा संचालन हुनेछ भने क्वार्टरफाइनल खेलहरु मुलपानी मैदानमा खेलिनेछ।
सहभागी टिम र समुह
समूह ‘ए’ : काठमाडौं क्रिकेट ट्रेनिङ सेन्टर , अल्टिमेट इन्डोर क्रिकेट, आरसिए प्युठान च्यालेन्जर्स, शान्तिनगर युवा क्लब, मलपोखरी क्रिकेट क्लब
समूह ‘बी’ : आई.ओ.ई. पुल्चोक, रोयल पिसी फाईटर्स, लर्ड बुद्ध क्रिकेट क्लब, बालुवाटार क्रिकेट क्लब, त्रिमुर्ति व्वाइज
समूह ‘सी’ : ओएसिस क्रिकेट एकेडेमी, ग्रेट हिमालय क्रिकेट एकेडेमी, आई.ओ.ई थापाथली, नेपाल क्रिकेट स्कुल, त्रिभुवन आर्मी क्लब
समूह ‘डी’ : टिकापुर क्रिकेट, रौतहट-११, मकवानपुुर क्रिकेट क्लब, बुटवल क्रिकेट ब्वाइज, इन्टर- डिस्ट्रिक्ट क्रिकेट क्लब
