सन्दिप लामिछानेले ५ विकेट हात पारेपछि नेपाल यु-१९ क्रिकेट टिमले मलेसिया यु-१९ लाई ४५ रनमै सिमित गरेको छ l
बायुमास ओभलमा यु-१९ युथ एसिया कपको तेश्रो खेल वर्षाले ढिला सुरु भएको थियो l निर्धारित समय भन्दा ५ घण्टा ढिला सुरु भएको खेलमा नेपालले टस जित्यो र पहिले बलिंग गर्ने निर्णय गर्यो l
वर्षाको कारण खेल २४ ओभरमा झारिएको थियो l
लगातार पानि परेपछि रोकिएको मौसमको नेपालले फाइदा उठायो र लगातार विकेट लिंदै मलेसियालाई ४५ रनमै खुम्च्यायो l
नेपालको लागि सन्दिप लामिछानेले सर्बाधिक ५ विकेट तथा दिपेन्द्र ऐरी र शाहब आलमले २/२ विकेट आफ्नो नाम गरेका छन् l यस्तै अनिल कुमार शाहले १ विकेट हात पारे l
सन्दिपले ४.३ ओभर बलिंग गर्दै ८ रन मात्रै खर्चेर ५ विकेट हात पारेका हुन् l यस्तै कप्तान दिपेन्द्र ऐरीले २ ओभरमा १ मेडन ओभर सहित १ रन दिएर २ विकेट लिए भने शाहब आलमले ३ ओभरमा ३ रन खर्चदै २ विकेट आफ्नो नाम गरे l
नेपालले मलेसियासंगको खेल ठुलो अन्तरले जित हात पार्नुपर्ने आवस्यकता रहेको छ l अंकतालिकामा भारत र नेपालको १/१ जित रहेको छ र भारत नेट रनरेटको आधारमा अघि रहेको छ l
यो अवस्थामा यदी बंगलादेशले भारतलाई पराजित गरे र नेपालले खेल जिते नेपाल स्वतः सेमीफाइनल प्रवेश गर्नेछ l यदी भारतले बंगलादेशलाई तथा नेपालले मलेसियालाई पराजित गरेको खण्डमा नेट रनरेटको आधारमा फैसला हुनेछ l
यदी नेपालले खेल जित्यो तथा भारत-बंगलादेश खेल बराबरीमा रोकियो भने नेपाल सेमीफाइनल प्रवेश गर्नेछ l
भारतले बंगलादेशसंग जारि खेलको पहिलो इनिंगमा ब्याटिंग गर्दै निर्धारित ३२ ओभरमा १८७ रनको स्कोर खडा गरेको छ l
( फिचर फोटो – फाइल )
