अफगानिस्तान सामु नेपाल निरिह साबित, कप्तानको ह्याट-ट्रिक

विकेटनेपाल- साउन ५

यु-१९ एसिया बिश्वकप छनौट अन्तर्गत आफ्नो तेश्रो खेलमा अफगानिस्तानसंग निरिह साबित हुँदै पराजित भएको छ l ( स्कोरकार्ड , अंकतालिका )

अफगानिस्तानले दिएको १९१ रनको लक्ष पछ्याएको नेपाली टिमले सबै विकेट गुमाउदै ४९ रन मात्रै बनाउन सकेपछि १४१ रनको बिशाल अन्तरको हार बेहोर्न पुग्यो l

नेपाललाई पराजित गरेपछि सबै ३ वटा खेलमा जित हात पार्दै अफगानिस्तान अंक तालिकाको शिर्ष स्थानमा रहेको छ भने नेपाल ३ खेलमा २ जितको साथ दोश्रो स्थानमा यथावत छ l प्रतियोगितामा अब नेपालले मलेसिया, सिंगापुर र अफगानिस्तानसंग ३ वटा खेल खेल्न बाँकी छ l

अफगानिस्तान कप्तान समेत रहेका नबिन उल हकले ह्याट-ट्रीक सहित ४ विकेट हात पारेपछि नेपाली टिमको मध्येक्रम ध्वस्त हुनपुगेको थियो l ह्याट-ट्रिक लिने क्रममा उनले इनिंगको नवौ ओभरमा दिपेन्द्र ऐरी ( ४ ) , प्रनित थापा ( ० ) र अनिल साह ( ० ) को विकेट लिएका थिए l

नबिन उल हकले ह्याट-ट्रीक सहित ४ विकेट हात पारेपछि नेपाली टिमको मध्येक्रम ध्वस्त हुनपुगेको थियो ©cricinfo

हयाट-ट्रिक सहित नबिन उल हकले ४ विकेट लिन ४ ओभरमा मात्र ८ रन खर्चिएका थिए l यस्तै मुजिब उर् रहमानले पनि ४ विकेट हात पारे जसले ९ ओभरमा ५ मेडन ओभर सहित मात्र ७ रन खर्चिएका थिए l

अत्यन्त खराब ब्याटिंग गरेको नेपालको लागि पवन सर्राफले २६ रन बनाउनु बाहेक अन्य कुनै पनि ब्याट्सम्यानहरुले दोहोरो अंकमा रन बनाउन सकेनन् l पुनः फ्लप हुने क्रममा ओपनर सन्दिप सुनार २ र आसिफ शेखले ६ रन मात्रै बनाउन सकेका थिए l

यस अघि पदंग मैदानमा अफगानिस्तानले उत्कृस्ट सुरुवात गर्यो र पहिलो विकेटको लागि इब्राहिम जद्रान र नाबेद ओबेदले ७५ रनको साझेदारी गरे l नेपाली सुरुवाती बलरहरुलाई विकेट लिनबाट बन्चित गरेका अफगानी ओपनर नाबेदले ३३ तथा जद्रानले ४३ रन बनाए l

पुनः फ्लप हुने क्रममा ओपनर सन्दिप सुनार २ र आसिफ शेखले ६ रन मात्रै बनाउन सकेका थिए l

शाहब आलमले जद्रानको विकेट लिएपछि नेपाली बलरहरुले अफगानिस्तान माथि दबाब बनाउन सुरु गरेको थियो l त्यसपछि भने अफगानिस्तान ब्याट्सम्यानहरुले खुलेर ब्याटिंग गर्न सकेनन् l अफगानिस्तानको लागि तारिक स्टानिकजाइले २७, नाबेद उल हकले २०, इमरान मोहम्मदीले १८ रनको योगदान दिए l

नेपालको लागि शाहब आलमले माथिल्लो क्रमको ब्याट्सम्यानहरुलाई पाखा लगाउने क्रममा सर्बाधिक ३ विकेट हात पारे l उत्कृस्ट बलिंग गरेका पवन सर्राफले २ तथा पुछारका ब्याट्सम्यानहरुको विकेट लिएका सन्दिप लामिछानेले पनि २ विकेट हात पारेका थिए l दिपेन्द्र ऐरी र किशोर महतोले पनि १/१ विकेट आफ्नो नाम गरे l