सन्दिपको बलिंगमा घुम्यो सिंगापुर, रोमान्चक जित

विकेटनेपाल, साउन-६

समस्यामा रहेको नेपाली टिमलाई सन्दिप लामिछानेको बलिंगले जोगाएपछि नेपालले सिंगापुरलाई रोमान्चक खेलमा २२ रनले पराजित गरेको छ l प्रतियोगितामा तेश्रो जित हात पारेपछि नेपालले न्युजिल्याण्डमा २०१८ जनवरीमा संचालन हुने यु-१९ बिश्वकप छनौट हुने आशा अझै कायम राखेको छ l ( हेर्नुस स्कोरकार्ड )

दोश्रो इनिंगमा नेपालले दिएको १६९ रनको लक्ष पछ्याएको सिंगापुरले ४६.५ ओभरमा १४६ रनमा सबै विकेट गुमाएको थियो l

सिंगापुरले नेपालको लक्ष राम्रोसंग पछ्याईरहेको थियो र एक समय १३९/५ को मजबुत स्थितिमा थियो l त्यति बेला कप्तान सन्दिप लामिछानेले ३२ रन बनाएर नेपालको लागि खतरा बनिरहेका हंशुल दिपलाई एलबिडब्लु धरापमा पारेपछि नेपाल खेलमा फर्किएको थियो l १३९ को स्कोरबाट ७ रन जोड्दा सिंगापुरले बाँकी सबै विकेट गुमाउन पुगेको थियो l

सन्दिप लामिछाने ४ विकेट हात पार्दै नेपालको जितमा नायक बने ( फाइल फोटो )

सन्दिप लामिछानेले १० ओभरमा मात्र २२ रन खर्चदै ४ विकेट हात पारे l यस्तै किशोर महतो र पवन शर्राफले २/२ विकेट आफ्नो नाम गरे l

यस अघि दिपेन्द्र ऐरीको अर्धशतक मदतले नेपालले ४६.५ ओभरमा सबै विकेट गुमाई सिंगापुरलाई १६९ रनको लक्ष प्रस्तुत गरेको हो l

इन्डियन एसोसिएसन मैदानमा टस जितेर प्रतियोगितामा पहिलो पटक ब्याटिंग रोजेको नेपालको लागि दिपेन्द्र ऐरीले अर्धशतकीय इनिंग खेलेका थिए l ५४ रनको इनिंग खेलेका ऐरीले ८३ बलमा २ चौका र २ चक्का प्रहार गरे l

आसिफ शेखको सट्टा नेपालको लागि ओपनिंग ब्याटिंग गर्न अनिल कुमार शाह र सन्दिप सुनार आएका थिए l अनिल ७ रनमा आउट भए भने सन्दिपले २६ रन योगदान दिएका थिए l प्रकास केसीले २३ रन र रोहित पौडेलले १५ रनको योगदान दिएका थिए l

५४ रनको इनिंग खेल्दै म्यान अफ द म्याच चुनिएका ऐरीले ८३ बलमा २ चौका र २ चक्का प्रहार गरे l

चौथो नम्बरमा ब्याटिंग गर्न आएका आसिफ शेख पुनः फ्लप हुने क्रममा मात्र ३ रन बनाउन सके l प्रनित थापाले ८, पवन सर्राफले २ रन बनाए l सिंगापुरले अतिरिक्त रनको रुपमा २३ रन खर्चिएको थियो l

सिंगापुर बलर बिर बिक्रमले ३ विकेट तथा अर्यमन सुनिल र आहान गोपीनाथले २/२ विकेट हात पारे l

Good comeback today with a fighting win today against Singapore.Still few matches to go.Keeping fighting and trying till the end #JaiNepal

— Sharad Vesawkar (@SharadCric) July 21, 2017

आजै सम्पन्न दोश्रो खेलमा अफगानिस्तानले मलेसियालाई १० विकेटले पराजित गर्दै प्रतियोगितामा चौथो जित हात पारेको छ l अंकतालिकामा अफगानिस्तान ८ अंक सहित पहिलो र समान ४ खेल खेल्दै ६ अंक सहित नेपाल दोश्रो स्थानमा रहेको छ l

सहभागी ४ टोलि बाट १ टिम मात्रै यु-१९ बिश्वकप छनौट हुने हुँदा अब नेपाललाई बाँकी २ खेलमा जित अत्यावश्यक छ l नेपालले सोमबार मलेसिया र मंगलबार अफगानिस्तानको सामना गर्नेछ l नेपालको खेल तालिका र हालसम्म खेलेको स्कोरकार्डहरु हेर्नुस