Sudurpaschim Province vs Gandaki Province Live



ब्याट्सम्यान नचल्दा नेपालको दोश्रो हार

  • विकेटनेपाल, कार्तिक १८ 

मलेसियामा नोभेम्बर ९ देखि २० तारिकसम्म आयोजना हुने एसीसी यु-१९ युथ एसिया कपको तयारीको लागि बंगलादेश भ्रमण अन्तर्गत दोश्रो अभ्यास खेलमा नेपाल १२३ रनले पराजित भएको छ। पहिलो खेलमा नेपाल ३ विकेटले पराजित भएको थियो।

सिरिज २-० ले हारेपछि बंगलादेश भ्रमण अन्तर्गत नेपालले तेश्रो तथा अन्तिम खेल भोलि आइतबार खेल्नेछ।

बंगलादेश यु-१९ ले पहिले ब्याटिंग गर्दै बनाएको २२७ रनको जवाफमा ब्याटिंग गरेको नेपाली टिम ३६.५ ओभरमा १०४ रनमा अलआउट हुनपुगेको थियो।

क्रिरा शिक्खा मैदानमा सम्पन्न खेलमा नेपालले टस जितेर बंगलादेशलाई ब्याटिंगको निम्तो दिएको थियो।

स्थानीय टिमले पहिले ब्याटिंग गर्दै पुरा ५० ओभरमा २२७/८ को स्कोर बनायो । तेश्रो नम्बरमा ब्याटिंग गरेका सैफ हसनले सर्बाधिक ६२ ( ११५ बल, ४ चौका /१ छक्का ) तथा पाँचौ नम्बरमा ब्याटिंग गरेका अफिफ हुसेनले ५९ रन ( ६७ बल, २ चौका , ४ छक्का ) को योगदान दिएका थिए।

नेपालको लागि सन्दिप लामिछाने र कप्तान दिपेन्द्र ऐरीले २/२ विकेट दिलाए। पहिलो खेलमा पनि ४ विकेट हात पारेका सन्दिपले १० ओभर बलिंग गर्दै ३७ रन खर्चिए भने ऐरीले १० ओभरमा मात्र ३४ रन खर्चिएका थिए। अन्य बलरहरु भने विकेट लिन सफल रहेका थिए।

हेर्नुस स्कोरकार्ड 

दोश्रो ब्याटिंग गर्ने क्रममा नेपालले खराब सुरुवात गरेको थियो । पहिलो ५ विकेट २९ रनको स्कोरमानै गुमाएको नेपाली टिमले लगातार विकेट गुमायो।

ओपनर सन्दिप सुनार ३ , आसिफ शेख ९, अनिल साह ३ , रोहित पौडेल ९ रनमा आउट हुँदा कप्तान दिपेन्द्र ऐरी खाता नखोली पेभेलियन फर्किएका थिए। त्यसपछि पवन सर्राफले १६, भिम सार्कीले ४ तथा प्रनित थापाले १२ रन बनाउदै इनिंग अघि बढाउने प्रयास गरेपनि ठुलो स्कोर बनाउन असफल भएका थिए।

६७ रनको स्कोरमा ९ विकेट गुमाएको नेपालको लागि १० औं विकेटको लागि रसिद खान र सन्दिप लामिछानेले ३७ रनको साझेदारी गर्दै योगफललाई १०० रन पार गराएका थिए। सन्दिपले अविजित १३ रन बनाउदा २ चौका प्रहार गरे भने २४ रन बनाएका खानले २ चौका र १ छक्का प्रहार गरेका थिए।

बंगलादेश बलर हसुन महमुदले सर्बाधिक ३ विकेट हात पारे भने रोनी होसेन, रोबिउल हक र अफिफ होसेनले समान २/२ विकेट हात पारे।

८ टिम सहभागी हुने यु-१९ युथ एसिया कप प्रतियोगितामा नेपाल समुह ‘ए’ मा रहेको छ जुन समुहमा भारत, बंगलादेश र मलेसिया रहेका छन्। समुह ‘बि’ मा श्रीलंका, पाकिस्तान, अफगानिस्तान र एसीसी यु-१९ ( पश्चिम क्षेत्र ) को बिजेता टिम रहनेछ।

प्रतियोगितामा नेपालले आफ्नो पहिलो खेल बंगलादेशसंग ११ नोभेम्बरमा खेल्ने छ। बंगलादेशसंगको खेल पछि नेपालले १२ नोभेम्बरमा भारतसंग दोश्रो खेल र १४ नोभेम्बरमा मलेसियासंग तेश्रो खेल खेल्ने कार्यक्रम रहेको छ।

समुह ‘ए’ र समुह ‘बि’ बाट समुह चरणको खेल पछि २/२ टिम सेमीफाइनल खेल्न छनौट हुनेछ। प्रतियोगिताको फाइनल खेल १९ नोभेम्बरमा खेलिनेछ।

नेपालको पहिलो खेल किनाराओभल मैदानमा हुनेछ भने बाँकी २ वटा खेल बायुमास ओभल मैदानमा हुनेछ।

नेपाली टिम :- 

१. दिपेन्द्र ऐरी ( ब्याटिंग अलराउण्डर )
२. रोहती पौडेल  (  ब्याटिंग अलराउण्डर )
३. सन्दिप लामिछाने ( लेग स्पिनर )
४. सन्दिप सुनार  ( ब्याट्सम्यान )
५. प्रनित थापा मगर ( ब्याट्सम्यान )
६. अनिल कुमार शाह ( ब्याट्सम्यान )
७. पवन सर्राफ ( अफस्पिन अलराउण्डर )
८. मोहम्मद आसिफ शेख ( विकेटकिपर/ब्याट्सम्यान )
९. किशोर महतो ( तिब्र गति बलर )
१०. शाहब आलम ( देब्रे हाते स्पिनर )
११. प्रकास केसी ( विकेटकिपर/ब्याट्सम्यान )
१२. कमल सिंह ऐरी ( तिब्र गति बलर )
१३. भिम शार्की ( देब्रे हाते स्पिनर – अलराउण्डर )
१४. रासिद खान ( तिब्र गति बलर )
१५. जितेन्द्र सिंह  ( ब्याट्सम्यान )

वैकल्पिक खेलाडी 

१. सन्दिप जोरा , २. बिक्रम कुमार भुसाल , ३. अंकित सुबेदी, ४. विजय चौधरी





थप समाचार

वर्षाले खेल नतिजाविहिन हुँदा नेपाल र नामिबियाले बाँडे अंक ( अंकतालिका सहित )

आईसीसी विश्वकप लिग-२ अनार्गत नामिबियामा जारि त्रिकोणात्मक एकदिवसीय अन्तर्गत नेपाल र आयोजक नामिबिया बीचको खेल वर्षाले प्रभावित हुँदा नतिजाविहिन टुंगिएको […]

U19 National : आकाशको ह्याट्रिक विकेट, सुदूरपश्चिम फाइनल पुग्दा मधेश प्रदेशको पहिलो जित

सुदूरपश्चिम प्रदेश काठमाडौंमा जारी यू–१९ राष्ट्रिय क्रिकेट प्रतियोगिताको फाइनलमा प्रवेश गरेको छ । मुलपानी क्रिमेट मैदानमा शुक्रबार भएको लिग चरणको […]

ICCWCL2 : टस हारेर नेपाल ब्याटिंग गर्दै, करन बाहिर

नामिबियामा जारि आईसीसी विश्वकप लिग-२ अन्तर्गतको त्रिकोणात्मक सिरिजमा आज नेपाल र नामिबिया प्रतिस्पर्धा गर्दैछन्। विन्ढोक स्थित युनाइटेड क्रिकेट क्लब मैदानमा […]

ICCWCL2 : स्कटल्याण्डद्वारा नामिबिया पराजित

घरेलु टोलि नामिबियालाई ४ विकेटले पराजित गर्दै विश्वकप लिग-२ अन्तर्गत त्रिकोणात्मक सिरिजको पहिलो खेलमा स्कटल्याण्डले विजयी सुरुवात गरेको छ। सिरिजमा […]

U19 National : निर्मलको ५ विकेटमा लुम्बिनीको चौंथो जित, गण्डकी जितमा सुबासको ६ विकेट

अन्डर-१९ राष्ट्रिय प्रतियोगिता अन्तर्गत बिहिबार सम्पन्न दुई खेलमा लुम्बिनी प्रदेश र गण्डकी प्रदेश विजयी भएका छन्। प्रदेश नम्बर-१ लाई ६ […]

नेपाल टि-२० लिगबाट कान्तिपुर गोर्खाज बाहिरियो, लिग फेरी सर्ने

यही डिसेम्बर १२ तारिख ( मङ्सिर २६ गते ) देखि काठमाडौँमा आयोजना हुने नेपाल टि-ट्वान्टी लिगबाट काठमाडौँ गोर्खाज टिमले नाम […]