नेपालले दिएको २८२ रनको लक्ष पछ्याउने क्रममा थाईल्याण्डले सुरुवाती ओभरमै ४ विकेट गुमाएको छ l
नन्दन यादबले इनिंगको पहिलो बलमै सुवत रस्टनमुएकुलको विकेट लिंदै थाईल्याण्डको विकेट पटक सुरुवात गरेका थिए l त्यसपछि दोश्रो ओभरमा बलिंग गर्न आएका किशोर महतोले पनि अगम संजय शाहलाई पेभेलियनको दिशा देखाएपछि थाईल्याण्डले दोश्रो विकेट गुमाएको थियो l
चौथो ओभर बलिंग गर्न आएका सन्दिप लामिछानेले कामरोन सेनामोनट्रेलाई बोल्ड आउट गरेपछि तेश्रो विकेट गुमाएको थाईल्याण्डले लगतै सन्दिपको ओभरमा सुत्तिसनलाई पनि गुमाएपछि छैठौं ओभरको खेल चल्दै गर्दा थाईल्याण्डको स्कोर १७/४ रहेको छ l
सन्दिपले २ तथा किशोर महतो र नन्दन यादबले १-१ विकेट हात पारिसकेका छन् l
यस अघि नेपालले पुरै ५० ओभर ब्याटिंग गर्दै ७ विकेट गुमाई २८१ रन बनाएको l
टस हारेर ब्याटिंग गरेको नेपालको लागि अनिलले तेश्रो नम्बरमा ब्याटिंग गर्दै ९१ रन बनाउन मात्र ७४ बलमा ६ चौका र ५ छक्का प्रहार गरेका थिए l
नेपालको लागि पाचौ नम्बरमा ब्याटिंग गरेका प्रनित थापाले पनि अर्धशतकीय योगदान दिए l थापाले ६१ बलमा ३ चौका र १ छक्का प्रहार गरे l
सन्दिप सुनारले ३२, आसिफ शेखले २१, दिपेन्द्र ऐरीले २२, रोहित पौडेलले २८ रन योगदान दिए l पवन सर्राफले इनिंगको अन्तिममा २ छक्का मदातले २२ रन बनाउदै अविजित रहेका थिए l
नेपालले अतिरिक्तको रुपमा १३ रन पाएको थियो l
थाईल्याण्ड बलर पायुपथ संगनर्डले सर्बाधिक ३ विकेट हात पारे l
प्रतियोगिताको बिजेता टिम नोभेम्बरमा मलेसियामा आयोजना हुने यु-१९ एसीया कप खेल्न छनौट हुनेछ l
खेलको अपडेट यो लिंकमा हेर्नुस लाइभ अपडेट लिंक , स्कोरकार्ड हेर्नुस
नेपाली टिम
दिपेन्द्र ऐरी ( कप्तान ) , सन्दिप लामिछाने, मोहम्मद आसिफ शेख, सन्दिप सुनार, प्रनित थापा, अनिल कुमार शाह, पवन सर्राफ, रोहित पौडेल, किशोर महतो, शाहब आलम, नन्दन यादब, बिक्रम भुसाल, सन्दिप जोरा, सुमित महर्जन
प्रशिक्षक – बिनोद दास
सहायक प्रशिक्षक – कलाम अलि
खेल तालिका
सेप्टेम्बर ११ – नेपाल – थाईल्याण्ड
सेप्टेम्बर १३ – नेपाल – भुटान
सेप्टेम्बर १४ – नेपाल – सिंगापुर
सेप्टेम्बर १६ – सेमीफाइनल
सेप्टेम्बर १७ – फाइनल
समुह ‘ए’ : नेपाल, सिंगापुर, थाईल्याण्ड, भुटान
समुह ‘बि’ : मलेसिया, हंगकंग , चिन र म्यानमार
( फिचर फोटो – फाइल )
