सन्दिप लामिछानेले ५ विकेट हात पारेपछि नेपाल यु-१९ क्रिकेट टिमले मलेसिया यु-१९ टिमलाई ८ विकेटले सहजै पराजित गरेको छ l
बायुमास ओभलमा यु-१९ युथ एसिया कपको तेश्रो खेल वर्षाले ढिला सुरु भएको थियो जसकारण खेल २४ ओभरको इनिंगमा झारिएको थियो l निर्धारित समय भन्दा ५ घण्टा ढिला सुरु भएको खेलमा नेपालले टस जित्यो र पहिले बलिंग गर्ने निर्णय गर्यो l
लगातार पानि परेपछि रोकिएको मौसमको नेपालले फाइदा उठायो र लगातार विकेट लिंदै मलेसियालाई ४५ रनमै खुम्च्यायो l
४६ रनको लक्ष नेपालले ५.२ ओभरमै भेटायो l
नेपालको लागि अनिल साहले ३ छक्का र १ चौका प्रहार गर्दै १५ बलमा २६ रन योगदान दिए l यस्तै दिपेन्द्र ऐरीले ३ बलमा २ छक्का मदतले १२ रन बनाए l आसिफ शेखले १४ बलमा ४ रन बनाएर विकेट गुमाए l
मलेसियालाई पराजित गरेपछि यु-१९ युथ एसिया कपमा ३ खेल खेलेपछि नेपालले २ जित र १ हार सहित ४ अंक रहेको छ l भारत र बंगलादेश बीच जारि समुहको अन्तिम खेलमा आउने नतिजाले अब यो समुहबाट को सेमीफाइनलमा पुग्ने निर्धारण गर्नेछ l यदी भारतले बंगलादेशलाई जितेमा नेपाल र भारत बीच नेट रनरेटमा अघि हुने टिम सेमीफाइनल प्रवेश गर्नेछ l
नेपालको लागि बलिंगतर्फ सन्दिप लामिछानेले सर्बाधिक ५ विकेट तथा दिपेन्द्र ऐरी र शाहब आलमले २/२ विकेट आफ्नो नाम गरेका छन् l यस्तै अनिल कुमार शाहले १ विकेट हात पारे l
सन्दिपले ४.३ ओभर बलिंग गर्दै ८ रन मात्रै खर्चेर ५ विकेट हात पारेका हुन् l यस्तै कप्तान दिपेन्द्र ऐरीले २ ओभरमा १ मेडन ओभर सहित १ रन दिएर २ विकेट लिए भने शाहब आलमले ३ ओभरमा ३ रन खर्चदै २ विकेट आफ्नो नाम गरे l
अंकतालिकामा नेपालको २ जित र १ हार रहेको छ भने भारतको १ जित र १ हार l
यो अवस्थामा यदी बंगलादेशले भारतलाई पराजित गरे र नेपालले खेल जिते नेपाल स्वतः सेमीफाइनल प्रवेश गर्नेछ l यदी भारतले बंगलादेशलाई तथा नेपालले मलेसियालाई पराजित गरेको खण्डमा नेट रनरेटको आधारमा फैसला हुनेछ l
यदी नेपालले खेल जित्यो तथा भारत-बंगलादेश खेल बराबरीमा रोकियो भने नेपाल सेमीफाइनल प्रवेश गर्नेछ l
भारतले बंगलादेशसंग जारि खेलको पहिलो इनिंगमा ब्याटिंग गर्दै निर्धारित ३२ ओभरमा १८७ रनको स्कोर खडा गरेको छ l
