- विकेटनेपाल, ११ आषाढ
सिंगापुरमा १५-२५ जुलाईसम्म आयोजना हुने आईसीसी यु-१९ बिश्वकप छनौट ( एसिया ) प्रतियोगिताको तयारीको लागि नेपाली यु-१९ रास्ट्रिय क्रिकेट टिम यतिबेला भारतको नोयडामा अभ्यासरत छ l
प्रतियोगितामा नेपाल सहित आयोजक सिंगापुर , मलेसिया र अफगानिस्तान सहभागी हुँदैछन् जसमध्ये बिजेता टोलि २०१८ जनवरीमा न्युजिल्याण्डमा संचालन हुने यु-१९ बिश्वकप खेल्न छनौट हुनेछ l
१८ सदस्यीय नेपाली टिम असर ९ गते भारत प्रस्थान गरेको थियो l भारतमा गरेको अभ्यास क्रममा १८ जनाबाट प्रतियोगिताको लागि अन्तिम १४ तथा ४ वैकल्पिक खेलाडीको घोषणा गर्नेछ l ( टिम लिस्ट हेर्न क्लिक गर्नुस )
भारतमा अभ्यास पछि जुलाई १४ तारिकमा नेपाली टिम त्यतैबाट सिंगापुर प्रस्थान गर्ने कार्यक्रम रहेको छ l सो क्रममा नेपालले स्थानिय स्तरीय टिमसंग ६-७ वटा अभ्यास खेल खेल्ने बताईएको छ l
हाल नोयडा क्रिकेट स्टेडियममा अभ्यास गरिरहेको नेपाली टिमले मैदानमा नेट, फिल्डिंग सेसन गरिरहेको छ भने फिटनेसमा पनि समय बिताईरहेको छ l
यो पनि पढ्नुस : आँसु थाम्न सकेनन् सागरले
त्रिभुवन बिश्वबिद्यालय क्रिकेट मैदानमा एसियन क्लब प्रिमियर लिग ( एसीएपीएल ) को खेल संचालन गर्न रास्ट्रिय खेलकुद परिषदले अनुमति दिएपछि नेपाली यु-१९ भारत अभ्यासमा जानु परेको हो l नेपाली टिमको अभ्यासको सम्पूर्ण खर्च तथा ब्यबस्थापन अन्तर्राष्ट्रिय क्रिकेट परिषद ( आईसीसी ) ले गरिरहेको छ l
नोट : ( सच्याइएको :- अन्तिम हरफमा यस अघि एसियन प्रिमियर लिग एपिएल आयोजकले खर्च बेहोरीरहेको छ लेखिएको जानकारी सच्याइएको छ )
नेपाली टिमले शनिबार नोयडा क्रिकेट स्टेडियममा गरेको अभ्यासको फोटोहरु :-
( फोटो – रमन शिवाकोटी )
