Sudurpaschim Province vs Gandaki Province Live



यसरी गरिनेछ यु-१९ टिमको अन्तिम छनौट

  • विकेटनेपाल, भदौ ५   

मलेसियामा सेप्टेम्बर ८ देखि १७ तारिकसम्म संचालन हुने एसीसी यु-१९ ( पुर्बी क्षेत्र ) प्रतियोगिताको लागि पहिलो चरणमा छनौट भएका २८ जना खेलाडीबाट अर्को साताको सुरुवातसम्म दोश्रो चरणको लागि १४ जनाको टिम र ४ बैकल्पिक टिम घोषणा गरिनेछ l

दोश्रो चरणमा खेलाडी छनौट गर्नको लागि १ हफ्ताको अबधिमा ४ वटा खेल खेलाइने प्रशिक्षक बिनोद दासले जानकारी गराएका छन् –

“२७ अगस्टसम्म १४ जनाको टिम र ४ बैकल्पिक खेलाडीको नाम छनौट गरिसक्नेछौ l त्यसको लागि मौसमले साथ दिएसम्म ४ वटा छनौट खेल खेलाउनेछौ”

गत महिना सिंगापुरमा सम्पन्न यु-१९ एसिया बिश्वकप छनौट प्रतियोगितामा नेपाली ब्याटिंग फ्लप भएको थियो त्यसैकारण यसपटक टिममा परिवर्तन गरिने दासले विकेटनेपाललाई बताएका छन् –

“३-४ जना बाहेक अन्य खेलाडीले यु-१९ एसिया बिश्वकप छनौटमा राम्रो गर्न सकेनन् त्यसैले यसपटक टिममा फेरबदल हुनेछ”

“जसले छनौट खेलमा राम्रो गर्छ त्यही खेलाडी छनौट हुनेछ, जिम्मेवार खेलाडीलाई छनौट गर्नेछौ”

छनौट खेल सोमबार देखि सुरु हुनेछ जसमा प्रत्येक खेलाडीले कम्तिमा ३ खेल खेल्ने मौका पाउने दासले बताए l

यु-१९ एसिया बिश्वकप छनौट प्रतियोगितामा ६ खेल खेलेको नेपालको लागि दिपेन्द्र ऐरि बाहेक अन्य ब्याट्सम्यानले उल्लेख्य प्रदर्शन गर्न सकेका थिएनन् l दिपेन्द्रले सिंगापुरसंग अर्धशतकीय ( ५४ ) इनिंग खेलेका थिए भने अन्तिम खेलमा अफगानिस्तानसंग ४८ रन बनाएका थिए l उनि बाहेक कुनै पनि ब्याट्सम्यानले अर्धशतकीय इनिंग खेल्न सकेका थिएनन् l दिपेन्द्र पछि रोहित पौडेलले मलेसियासंग बनाएको ३४ रन नेपाली ब्याट्सम्यानको प्रतियोगितामा सर्बाधिक रन थियो l

प्रशिक्षक दासले पहिलो चरणको खेलाडी छनौट पछि दोश्रो चरणमा ब्याटिंग सुधार गर्नको लागि एसियन क्रिकेट काउन्सिलसंग ब्याटिंग स्पेसेलिस्ट प्रशिक्षकको माग गरेको जानकारी दिएका छन् l

“एसीसीलाई ब्याटिंग स्पेसलिस्ट प्रशिक्षकको लागि पहल गरेका छौ र एसीसी सकारात्मक छ l १-२ दिनमानै को आउने भन्ने निर्णय पाउनेछौ”

दासले टिमलाई बिशेष योजना अन्तर्गत स्किलमा फोकस गरेर ड्रिल्स गराउने र मानसिक पक्षमा जोड दिएर अभ्यास गराउनेमा जोड दिने बताए l

dipendra airee
यु-१९ एसिया बिश्वकप छनौटमा ६ खेल खेलेको नेपालको लागि दिपेन्द्र ऐरि बाहेक अन्य ब्याट्सम्यानले उल्लेख्य प्रदर्शन गर्न सकेका थिएनन् l

एसीसी यु-१९ ( पुर्बी क्षेत्र ) प्रतियोगितामा नेपाल सहित मलेसिया, सिंगापुर, हंगकंग, नेपाल, थाईल्याण्ड, भुटान, चाइना र म्यानमार सहभागी हुँदैछन् l नोभेम्बरमा आयोजना हुने यु-१९ एसिया कपको लागि समेत यो छनौट प्रतियोगिता हुनेछ l प्रतियोगिताबाट उत्कृस्ट २ हुने टिम यु-१९ एसिया कप खेल्न छनौट हुनेछ l

छनौट भएको २८ सदस्यीय प्रारम्भिक टिम 

१. सन्दिप लामिछाने २. अनिल शाह ३. सन्दिप सुनार  ४. दिपेन्द्र ऐरी ५. ललित राजबंशी ६. प्रकाश केसी  ७. पवन सर्राफ , ८. रोहित पौडेल , ९. रिजन ढकाल , १०. शाहब आलम , ११. प्रनित थापा , १२. आदील खान १३. आसिफ शेख १४. किशोर महतो १५. बिक्रम भुसाल १६. सन्दिप जोरा १७. रासिद खान १८. सुशान्त सिंह थापा १९. नन्दन यादब २०. कमल सिंह ऐरी २१. सुमित महर्जन २२. जितेन्द्र सिंह ठकुरी २३. मिनस थापा २४. अंकित सुबेदी २५. हरि चौहान२६. अविनाश कर्ण २७. भिम सार्की २८. रबिन्द्र जंग शाही

 





थप समाचार

महिनावारी स्वच्छता दिवस : मैत्रीपूर्ण क्रिकेटमा सप्तरी विजयी

राजबिराज बालविवाह अन्त्यकाे लागि मर्यादित महिनावारी नारा संगै महिनावारी स्वक्षता दिवसकाे अवसरमा किसाेरी समूह बिच मैत्री क्रिकेट खेलमा सप्तरी विजयी […]

ICCWCL2 : स्कटल्याण्डसंग नेपालको लज्जास्पद हार

आईसीसी विश्वकप लिग-२ अन्तर्गत नामिबियामा सम्पन्न त्रिकोणात्मक एकदिवसीय अन्तर्राष्ट्रिय सिरिजको आफ्नो चौंथो तथा अन्तिम खेलमा पनि नेपाल ८ विकेटले पराजित […]

स्कटल्याण्डसंग टस जितेर नेपाल ब्याटिंग गर्दै, कुशल भुर्तेल बाहिर

नामिबियामा जारी आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजको आफ्नो चौंथो तथा अन्तिम खेलमा नेपाल स्कटल्याण्डसंग खेल्दैछ। युनाइटेड क्रिकेट क्लब […]

एनसिएसएस रुपन्देहीद्वारा पूर्व राष्ट्रिय क्रिकेटर शक्ति गौचन सम्मानित , माधब शर्मा जिल्ला संयोजक चयन

२१ मङ्सिर , २०७९ नेपाली क्रिकेट समर्थक समाज ( NCSS) जिल्ला समन्वय समिति रुपन्देहीले पूर्व राष्ट्रिय क्रिकेटर शक्ति गौचनलाई सम्मान […]

पीएसएलको ड्राफ्टमा पांच नेपाली खेलाडी

नेपाली राष्ट्रिय क्रिकेट टोलीका पांच खेलाडी पाकिस्तानी सुपर लिग (पीएसएल)को ड्राफ्टमा परेका छन् । नेपाली टोलीका दुई विकेटकिपर ओपनिंग ब्याट्सम्यान […]

ICCWCL2 : नामिबियाद्वारा नेपाल पराजित

नामिबियामा जारी आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजको आफ्नो तेस्रो खेलमा नेपालले घरेलु टोली नामाबियासँग ८६ रनले पराजित भएको […]