- विकेटनेपाल, भदौ २०
मलेसियामा आयोजना हुने एसीसी यु-१९ ( पुर्बी क्षेत्र ) प्रतियोगितामा नेपालले आफ्नो पहिलो खेल सेप्टेम्बर ११ तारिकमा थाईल्याण्डसंग खेल्ने भएको छ l
एसियन क्रिकेट काउन्सिलले आज सार्वजनिक गरेको खेल तालिका अनुसार ८ टोलि सहभागी प्रतियोगितामा नेपाल समुह ‘ए’ मा रहेको छ l यो समुहमा नेपाल सहित भुटान, नेपाल, सिंगापुर र थाईल्याण्ड रहेका छन् l समुह ‘बि’ मा मलेसिया, चिन, हंगकंग र म्यानमार रहेका छन् l
प्रतियोगिताको बिजेता टिम नोभेम्बरमा आयोजना हुने यु-१९ युथ एसिया कप खेल्न छनौट हुने एसीसीले बताएको छ l पूर्वी क्षेत्रबाट १ टिम र पश्चिमी क्षेत्रबाट १ टिम गरि २ टिम एसियाली टेस्ट रास्ट्रहरु सम्मेलित प्रतियोगितामा सहभागी हुने मौका पाउनेछ l
पहिलो खेल सेप्टेम्बर ११ मा थाईल्याण्डसंग क्लब अमन मैदानमा खेल्ने नेपालले दोश्रो खेल सेप्टेम्बर १३ तारिकमा भुटानसंग किनारा ओभल मैदानमा, तेश्रो खेल सिंगापुरसंग पुनः क्लब अमन मैदानमा खेल्नेछ l
समुह ‘ए’ र ‘बि’ बाट उत्कृस्ट हुने २-२ टिम सेप्टेम्बर १६ मा सेमीफाइनल खेल्नेछन् l प्रतियोगिताको फाइनल खेल सेप्टेम्बर १७ तारिकमा किनारा ओभल मैदानमा खेलिनेछ जुन खेलको बिजेता यु-१९ युथ एसिया कप खेल्न छनौट हुनेछ l
खेल तालिका
सेप्टेम्बर ११ – नेपाल – थाईल्याण्ड
सेप्टेम्बर १३ – नेपाल – भुटान
सेप्टेम्बर १४ – नेपाल – सिंगापुर
सेप्टेम्बर १६ – सेमीफाइनल
सेप्टेम्बर १७ – फाइनल
समुह ‘ए’ : नेपाल, सिंगापुर, थाईल्याण्ड, भुटान
समुह ‘बि’ : मलेसिया, हंगकंग , चिन र म्यानमार
प्रतियोगितामा सहभागी हुने नेपाली टिमको घोषणा भइसकेको छ l दिपेन्द्र ऐरीको कप्तानीमा रहने नेपाली टिम यति बेला प्रशिक्षणमा व्यस्त रहेको छ l नेपाली टिम सेप्टेम्बर ७ तारिकमा मलेसिया तर्फ प्रस्थान गर्ने कार्यक्रम रहेको छ l
नेपाली टिम
दिपेन्द्र ऐरी ( कप्तान ) , सन्दिप लामिछाने, मोहम्मद आसिफ शेख, सन्दिप सुनार, प्रनित थापा, अनिल कुमार शाह, पवन सर्राफ, रोहित पौडेल, किशोर महतो, शाहब आलम, नन्दन यादब, बिक्रम भुसाल, सन्दिप जोरा, सुमित महर्जन
यो पनि पढ्नुस –
- सन्दिपको स्थानमा दिपेन्द्र कप्तान, यु-१९ टिममा धेरै परिवर्तन
- ब्याटिंग सुधार्न देसाईको कसरत ( फोटो फिचर )
- १५ फोटोमा हेर्नुस, एसीसी यु-१९ को लागि नेपालको मेहनत
- एसीसी साधारण सभाबाट नेपाललाई खुसिको खबर
