- विकेटनेपाल, २६ भदौ
मलेसियामा जारि एसीसी यु-१९ पूर्वी क्षेत्र प्रतियोगिता अन्तर्गत नेपालले आफ्नो पहिलो खेलमा थाईल्याण्डलाई २५५ रनको बिशाल अन्तरले पराजित गरेको छ l
टस हारेर पहिले ब्याटिंग गरेको नेपाली टिमले अनिल शाहको ९१ तथा प्रनित थापाको ५० रन मदतले नेपालले पहिलो इनिंगमा पुरै ५० ओभर ब्याटिंग गर्दै ७ विकेट नोक्सानीमा २८१ रन बनाएको थियो l २८२ रन लक्ष पछ्याउने क्रममा थाईल्याण्ड मात्र २६ रनमै अलआउट हुन पुगेको थियो l
नेपालको लागि सन्दिप लामिछाने एक्लैले ७ विकेट लिए जुन क्रममा ४ ओभरमा मात्र ६ रन खर्चेका थिए l खेलको म्यान अफ द म्याच सन्दिपनै घोषित भए l
नेपालले प्रतियोगिता अन्तर्गत आगामी खेल सेप्टेम्बर १३ तारिक बुधबार भुटानसंग खेल्नेछ l
प्रतियोगिताको बिजेता टिम नोभेम्बरमा मलेसियामा आयोजना हुने यु-१९ एसिया कप खेल्न छनौट हुनेछ l
खेल तालिका
सेप्टेम्बर १३ – नेपाल – भुटान
सेप्टेम्बर १४ – नेपाल – सिंगापुर
सेप्टेम्बर १६ – सेमीफाइनल
सेप्टेम्बर १७ – फाइनल
समुह ‘ए’ : नेपाल, सिंगापुर, थाईल्याण्ड, भुटान
समुह ‘बि’ : मलेसिया, हंगकंग , चिन र म्यानमार
हेर्नुस फोटोहरुमा नेपालको जित
फोटोहरु – एसियन क्रिकेट काउन्सिल
