ICC WCL 2 : रोमान्चक खेलमा ओमानद्वारा नामिबिया ९ रनले पराजित

आईसीसी विश्वकप लिग-२ अन्तर्गत नामिबियामा सुरु भएको आयोजक नामिबिया, ओमान र युएई बीचको त्रिकोणात्मक एकदिवसीय अन्तर्राष्ट्रिय सिरिजको पहिलो खेलमा ओमानले आयोजक नामिबियालाई ९ रनले पराजित गरेको छ।

विन्ढोक स्थित वान्डरर्स क्रिकेट मैदानमा सम्पन्न खेलम ओमानले दिएको २९२ रनको लक्ष्य पछ्याउने क्रममा नामिबियाले पुरै ५० ओभर ब्याटिंग गरेता पनि ९ विकेट क्षेतीमा २८२ रन मात्र बनाउन सक्यो।

लक्ष्य पछ्याउने क्रममा १३२ रनमा नामिबियाले १३२ रनमा ५ विकेट गुमाउन पुगेको थियो। त्यसपछि कप्तान जेजे स्मितले एक किनार सम्हाले। स्मितले छैठौं विकेटको लागि रुबेन ट्रंपलम्यानसंग ४१ रनको, सातौँ विकेटको लागि जान फ्राईलिंकसंग ६० रनको तथा आठौँ विकेटको लागि कार्ल बर्कनस्टकसंग ४२ रनको साझेदारी गरे। जितको लागि ३ ओभरमा १७ रन आवस्यक हुँदा ४८ औं ओभरमा बलिंग गरेका मोहम्मद नदीमले बर्कनस्टकको विकेट लिंदै ओमानलाई खेलमा फर्काए। उक्त ओभर नदीमले मेडन गरे। २ ओभरमा जित्न १७ रन आवस्यक रह्यो। ४९ औं ओभरको पहिलो बलमै बिलाल खानले जेजे स्मिथलाई क्याच आउट पार्दै नवौं विकेट दिलाए। उक्त ओभरमा मात्र १ रन खर्चे पछि नामिबियालाई अन्तिम ओभरमा जित्न १५ रन आवस्यक रह्यो। मोहम्मद नदीमले अन्तिम ओभरमा मात्र ६ रन खर्चिए र टिमलाई रोमान्चक जित दिलाए।

नामिबियाको लागि जेजे स्मितले सर्वाधिक ९४ रन बनाए जुन क्रममा ७२ बलमा ५ चौका र ६ छक्का प्रहार गरे। जेन ग्रिनले ४७, क्रेग विलियम्सले ३८, जान फ्राईलिंकले २३ रन योगदान दिए।

ओमानको बलिंगमा कप्तान जिशान मक्सुदले सर्वाधिक ३ विकेट लिए जुन क्रममा ८ ओभरमा ४५ रन खर्चिए। बिलाल खान ( १०-०-६५-२ ) र मोहम्मद नदीमले ( ७-१-३६-२ ) समान २ विकेट तथ् आयान खानले १ विकेट ( ९-१-३८-१ ) लिए।

यस अघि टस जितेर ब्याटिंग रोजेको ओमानले ५० ओभरमा ९ विकेट क्षेतीमा २९१ रन बनाएको थियो। उसको लागि आयान खानले सर्वाधिक ८३ रन बनाए जुन क्रममा ९३ बलमा ३ चौका र २ छक्का प्रहार गरे। यस्तै कश्यप प्रजापतिले ५२, अकिब इल्यासले ४३ तथा मोहम्मद नदीम, जिशान मक्सुद र सन्दिप गौडले समान २४ रन योगदान दिए।

नामिबियाका बलर रुबेन ट्रंपलम्यानसंले सर्वाधिक ५ विकेट लिए जुन क्रममा १० ओभरमा ७६ रन खर्चे। कप्तान जेजे स्मितले २ विकेट ( १०-०-५०-२ ) तथा जान फ्राईलिंक र पिक्की या फ्रान्सले समान एक विकेट लिए।

जितपछि अंकतालिकामा ओमान २० खेलमा १४ जित, ५ हार र १ नतिजाविहिन अंक बेहोर्दै २९ अंक सहित शिर्ष स्थानमा कायमै छ। ९ खेलमा ५ जित र ४ हार बेहोरेको नामिबिया १० अंक सहित चौंथो स्थानमा छ। नेपाल ८ खेलमा ४ जित र ४ हार पछि ८ अंक सहित पाँचौ स्थानमा छ। सिरिज अन्तर्गत दोश्रो खेल ओमान र युएई बीच नोभेम्बर २९ तारिखमा खेलिनेछ।





थप समाचार

मलेसियाविरुद्धको ट्वान्टी-२० अन्तर्राष्ट्रिय शृङ्खलाको उपाधि नेपाललाई 

काठमाडौँ । सीता रानामगरको ३४ रन प्रेरित नेपाली महिला क्रिकेट टिमले आइतबार पाँचौँ तथा अन्तिम ट्वान्टी-२० अन्तर्राष्ट्रिय क्रिकेटमा मलेसियालाई तीन […]

नेपाल मलेसियासँग पराजित

घरेलु टोली मलेसियाले चौथो महिला अन्तर्राष्ट्रिय खेलमा नेपाललाई पराजित गरेको छ । शनिबार सम्पन्न खेलमा घरेलु टोलीले ४ विकेटले नेपाललाई […]

विश्वकप छनोट खेल्न दक्षिण अफ्रिका जाँदै सन्दीप

काठमाडौँ । नेपाली राष्ट्रिय क्रिकेट टिमका लेग स्पिनर सन्दीप लामिछानेलाई पठाउने तयारी गरिएको छ। सन्दीपलाई दक्षिण अफ्रिकामा हुने अभ्यास खेल […]

डीएभी सुशील केडिया स्कुलमा ३ उदीयमान क्रिकेटरका लागि पूर्ण छात्रवृत्ति अवसर 

काठमाडौं, ललितपुरमा रहेको डीएभी सुशील केडिया विश्व भारती स्कुलले तीन जना उदीयमान क्रिकेटरलाई पूर्ण छात्रवृत्ति प्रदान गर्ने भएको छ । […]

क्याम प्रिमियर लिग : तराई टाइगर, लुम्बिनी, कङ्गारु र हाम्रो यूथ क्लब विजयी

तराई टाइगर स्पोर्ट्स क्लबले अस्ट्रेलियाको सिड्नीमा जारी दोस्रो संस्करणको क्याम प्रिमियर लिग क्रिकेट प्रतियोगितामामा ६८ रनको फराकिलो जित निकालेको छ […]

एसीसी प्रिमियर कप : नेपाल र युएईबीचको बाँकी फाइनल खेल आज

  काठमाडौँ । काठमाडौँमा जारी एसीसी प्रिमियर कपमा सोमबार रोकिएको नेपाल र युएईबीचको फाइनल खेल आज (मंगलबार)सुरु हुदैछ । सोमबार […]