काठमाडौं । नेपाली क्रिकेट टोलीका पुर्व कप्तान पारस खड्काले भारतमा हुने लिजेन्ड्स लिग खेल्ने भएका छन् । लिजेन्ड लिगको बिहीबार भइरहेको ड्राफ्टमा गुजरातको टोलीले पारसलाई टोलीमा अनुबन्ध गराएको हो ।
पारसलाई गुजरात टिमले १२ लाख ५ हजार भारतीय रुपैयामा टोलीमा अनुबन्ध गरेको हो । पारस आबद्ध गुजरातमा क्रिस गेल, असगर अफगान, लिन्डल सिमन्स लगायत रहेका छन् । यस लिगमा सुरेश रैना, इर्फान पठान, इशुफ पठान, हरभजन सिंह, रोविन उथप्पा लगायतका खेलाडीहरु रहेका छन् ।
यस संस्करणको लिजेन्ड्स लिग २० सेप्टेम्बरबाट सुरु हुनेछ ।
नेपाल क्रिकेट संघ(क्यान) को सचिव समेत रहेका पारसले नेपालका लागि १० ओडिआई र ३३ टि२० आई खेलेका छन् ।
