एसीसी यु-१९ पूर्वी क्षेत्र प्रतियोगिता अन्तर्गत तेश्रो खेलमा टस जितेर ब्याटिंग गरेको सिंगापुरलाई नेपालले ६७ रनमै अलआउट गरेको छ l
नेपालको लागि अफ स्पिनर पवन सर्राफले उत्कृस्ट बलिंग गर्दै ६ विकेट हात पारे l उनले ८ ओभर बलिंग गर्दै ४ मेडन ओभर सहित १२ रन खर्चिएका थिए l
यस्तै ओपनिंग बलर किशोर महतोले २ सुरुवाती विकेट हात पारेका थिए l दिपेन्द्र ऐरी र सन्दिप लामिछानेले १-१ विकेट आफ्नो नाम गरे l
सिंगापुर ब्याट्सम्यान सिद्धान्त र अर्यमान उचिलले समान २०/२० रन योगदान दिएका थिए l उचिलले २ छक्का समेत प्रहार गरे भने सिद्धान्तले १ छक्का र १ चौका प्रहार गरेका थिए l
सिंगापुरका ५ जना ब्याट्सम्यान ० रनमै आउट हुन पुगेका थिए भने २ जना ब्याट्सम्यानले १/१ रन बनाए l
पहिलो २ खेल जितेको नेपालले यो खेल जिते समुह ‘ए’ को विजेताको रुपमा सेमीफाइनल प्रवेश गर्नेछ र सेमीफाइनलमा समुह ‘बि’ को उपविजेताको सामना गर्नेछ l
नेपालले पहिलो खेलमा थाईल्याण्डलाई २५५ रनले र भुटानलाई ९ विकेटले पराजित गरेको थियो l
नेपाल ४ अंक सहित अंकतालिकामा शिर्ष स्थानमा रहेको छ भने सिंगापुरको पनि २ जितको साथ ४ नै अंक रहेको छ जो नेट रनरेटमा पछि छ l
अपडेट कहाँ हेर्ने ?
खेलको स्कोर अपडेट हेर्न यो लिंकमा क्लिक गर्नुस,
स्कोरकार्ड हेर्न यहाँ क्लिक गर्नुस
विकेटनेपाल फेसबुक पेजमा प्रत्यक्ष भिडियो र अपडेट पनि गर्नेछौ यहाँ क्लिक गर्नुस
विकेटनेपाल प्रत्यक्ष अपडेटको भिडियो
