प्रधानमन्त्री कप महिला क्रिकेट सुरु, सुदूरपश्चिममान्चल र एपीएफको सुरुवाती जित

फिचर फोटो : लक्ष्मी साउद ( सुदूरपश्चिममान्चल )

  • विकेटनेपाल – १० फाल्गुन, बिहिवार

बुधवारदेखि धनगडीमा प्रधानमन्त्री कप महिला राष्ट्रिय क्रिकेट प्रतियोगिता सुरु भएको छ। राष्ट्रिय खेलकुद परिषदको आयोजना र कैलाली खेलकुद विकास समितिको ब्यावस्थापनमा आयोज्जित प्रतियोगिताका खेलहरु धनगडीको फाप्ला क्रिकेट मैदानमा हुँदैछन।

प्रतियोगिताको सुरुवाती दिन भएका खेलमा सुदुरपश्चिम र विभागीय टोली एपीएफले विजयी सुरुवात गरेका छन्। बुधवार भएको उद्धघाटन खेलमा सुदुरपश्चिमले पश्चिामचल विकास क्षेत्रलाई ५ विकेटले पराजित गर्यो भने एपीएफले मध्यपश्चिममाथि १० विकेटको जित हात पार्यो।

पहिलो खेल :

धनगडीको फाप्ला क्रिकेट मैदानमा दिनको पहिलो खेलमा सुदुरपश्चिमले पश्चिमान्चललाई ५ विकेटले हराउंदै प्रतियोगितामा पहिलो जित दर्ता गर्यो। पहिले ब्याटिंग गर्दै पश्चिमान्चलले दिएको ७४ रनको सामान्य लक्ष्य सुदूरपश्चिमान्चलले १७.१ ओभरमा ५ विकेट गुमाएर भेट्टायो। उसका लागि बिमला भट्टले १८ र मन्जु वोगटीले १२ रनको योगदान गरिन्।

पश्चिमान्चलको बलिंगमा सरस्वति पुनले ३ विकेट चट्काएपनि टोलिलाई जित दिलाउन सकिनन्।

यसअघि टस जित्दै पहिले ब्याटिंगमा उत्रिएको पश्चिमान्चलले निर्धारित २० ओभरमा ९ विकेट गुमाएर ७३ रन मात्र जोड्न सकेको थियो। उसका बर्षा रानाले १४ र सरस्वति पुनले १० रन बनाएपनि अन्यले दोहोरो अंकमा रन जोड्न विफल रहे।

पश्चिमान्चलको ब्याटिंगलाई ध्वस्त गर्ने क्रममा वुमेन अफ दि म्याच बनेकी सुदूरपश्चिमान्चलकि लक्ष्मी साउदले ३ विकेट हात पारेकी थिइन्।

दोस्रो खेल :

दिनको दोस्रो खेलमा विभागीय टोलि एपीएफले मध्यपस्चिमाञ्चलमाथि १० विकेटको जित हात पार्यो। मात्र ३७ रनको लक्ष्य एपीएफले ४.५ ओभरमा कुनै विकेट नगुमाई भेट्टायो। एपीएफको जितमा ज्योति पाण्डेयले १७ र सिता राना मगरले १२ रन जोडिन।

यसअघि पहिले ब्याटिंग गरेको मध्यपश्चिमाञ्चलले खराव ब्याटिंग गर्दै १८.४ ओभरमा ३६ रन जोड्दा सबै विकेट गुमाएको थियो। १० रन अतिरिक्त स्वरूप पाएको मध्यपश्चिमाञ्चलको ब्याटिंगमा गिता गोसाईंले १५ रन जोड्न बाहेक अन्यले दोहोरो अंक छुन सकेका थिएनन्।

एपीएफको बलिंगमा वुमेन अफ दि म्याच बनेकी ऋतु कनौजियाले एक्लै ४ विकेट हात परेकी थिइन्।

उद्घाटन समारोह :

यसअघि प्रतियोगीताको राष्ट्रीय खेलकुद परिषदका सदस्य सचिव केशव विष्टले उद्धघाटन गरेका थिए। उद्घाटन समारोहमा बोल्दै सदस्य सचिव फाप्ला क्रिकेट मैदानमा प्याराफीट निर्माणका लागी बजेट विनीयोजन गर्ने बताए।

सगरमाथा सिमेन्ट मुख्य प्रायोजक रहेको प्रतियोगितामा ५ विकास क्षेत्र र एक विभागीय गरी ६ टीमले सहभागीता जनाएका छन । प्रतियोगिताको विजेताले ५ लाख र उपविजेताले नगद २ लाख पाउनेछन ।

 

फोटोहरु : अभिनास चौधरी





थप समाचार

क्यानका अध्यक्ष चन्दसहित ५ जना पदाधिकारीको राजीनामा माग

नेपाल क्रिकेट सङ्घ क्यानका ७ जना केन्द्रिय सदस्यले अध्यक्ष चतुरबहादुर चन्दसहित कार्य सम्पादन समितिमा रहेका ५ जना पदाधिकारीको राजीनामा माग […]

मिथिला कप : विकासले ५ विकट लिंदा छिन्नमस्ता विजयी

सप्तरीको राजविराज जारी चौंथो संस्करणको मिथिला कप टि-ट्वान्टी क्रिकेट प्रतियोगिता अन्तर्गत दोश्रो दिन सम्पन्न खेलमा छिन्नमस्ता स्पोर्ट्स एकेडेमी सप्तरीले १ […]

सन्दीपविनै प्रारम्भिक टोली

नेपाल क्रिकेट सङ्घ (क्यान्) ले घरेलु मैदान कीर्तिपुरमा हुने आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजका लागि २८ सदस्यीय प्रारम्भिक […]

भारतीय कम्पनीसँगको सम्झौता त्रुटिपूर्ण : क्यान

नेपाल क्रिकेट सङ्घ (क्यान) ले नेपाल टी–२० लिग क्रिकेट गर्न भारतीय कम्पनी सेभेन थ्रीस्पोर्ट्सँग सम्झौता गरिनु त्रुटिपूर्ण भएको जनाएको छ […]

मिथिला कप टि–२० माघ १४ देखि

राजविराज । सप्तरीको विष्णुपुर गाउँपालिका वडा नम्वर ६ स्थित महेन्द्र विन्देश्वरी बहुमुखी क्याम्पसको खेल मैदानमा प्रदेश स्तरीय मिथिला कप टि–२० […]

सन्दीपलाई टिममा फर्काउनेबारे क्यान छलफलमा

नेपाल क्रिकेट सङ्घ (क्यान) ले धरौटीमा रिहा भएका क्रिकेटर सन्दीप लामिछानेलाई टिममा फर्काउने बारेमा आफूहरू छलफलमा जुटेको बताएको छ । […]