आईसीसी यु-१९ बिश्वकप एसिया छनौट प्रतियोगिताको लागि भारत भ्रमणमा रहेको नेपाली टिमले पहिलो अभ्यास खेलमा फ्रेन्ड्स स्पोर्ट्स एकेडेमीलाई १२१ रनले पराजित गरेको छ l ( स्कोरकार्ड )
गौतम बुद्ध युनिभर्सिटी एकेडेमी नोयडा मैदानमा टस हारेको नेपाली क्रिकेट टिमले खराब सुरुवात गरेको थियो l
वर्षाको कारण ४० ओभरमा घटाइएको खेलको नवौ ओभरमा २५/३ को खराब स्थितिमा रहेको नेपालले ओपनर सन्दिप सुनार र आसिफ शेखलाई क्रमशः १० र ० को स्कोरमा गुमाएको थियो भने तेश्रो नम्बरका आदील खानले १३ र बनाएका थिए l
चौथो नम्बरमा ब्याटिंग गर्न आएका दिपेन्द्र ऐरी र पाचौ नम्बरका प्रनित थापाले चौथो विकेटको लागि १०५ रनको बिशाल साझेदारी गरेपछि नेपाल ठुलो स्कोर तर्फ अघि बढेको थियो l
दिपेन्द्रले ५० बलमा २ चौका र २ छक्का मदतले ४३ रन योगदान दिएका थिए भने प्रनितले ७ चौका र ३ छक्का प्रहार गर्दै ८७ रन योगदान दिएका थिए l अनिल कुमार शाहले आक्रामक ५० रनको इनिंग हेल्दी ३४ बलमा ३ छक्का र २ चौका मदतले ५० रन योगदान दिए l रोहित पौडेलले ७ बलमा २ चौका र २ छक्का प्रहार गर्दै २३ रन बनाएपछि नेपालले निर्धारित ४० ओभरको इनिंगमा ७ विकेट गुमाई २५० रन बनाएको थियो l
बलिंग तर्फ फ्रेन्ड्सका सोनु गुज्जारले सर्बाधिक ३ तथा कनिसिक भाटीले २ विकेट हात पारेका थिए l
जवाफमा २५१ रन लक्ष पछ्याएको स्थानीय टिमले खराब ब्याटिंग प्रदर्शन गर्यो र ३२ ओभरमा सम्पूर्ण विकेट गुमाई १२९ रन मात्रै बनाउन सकेको थियो l
शाहब आलमले ३ विकेट लिने क्रममा ५ ओभरमा २ मेडन ओभर सहित १३ रन खर्चिए भने सन्दिप लामिछाने र रोहित पौडेलले २/२ विकेट लिएपछि फ्रेन्ड्स एकेडेमी निरिह बनेको थियो l
नेपालले दोश्रो अभ्यास खेल बुधबार खेल्ने कार्यक्रम रहेको छ l
१५ देखि २५ जुलाईसम्म आयोजना हुने आईसीसी यु-१९ बिश्वकप छनौट ( एसिया ) प्रतियोगिताको लागि नेपाली टिम असार ९ गते भारतको नोयडा पुगेको थियो l जुलाई १४ तारिकमा नेपाली टिम भारतबाटै सिंगापुरतर्फ प्रस्थान गर्ने कार्यक्रम रहेको छ l
यो पनि पढ्नुस :-
