अम्पायरको निर्णयको बिरोध गरेका रोहित पौडेललाई यस्तो कारबाही

  • विकेटनेपाल, पौष – ८ शनिबार

एभरेस्ट प्रिमियर लिग क्रिकेट अन्तर्गत भैरहवा ग्लाडीएटर्सका खेलाडी रोहित कुमार पौडेललाई म्याच रेफ्रीले जरिवाना सजाय दिएका छन् ।

बुधबार भएको भैरहवा ग्लाडीएटर्स र ललितपुर प्याट्रीयट्सबिचको खेलमा अम्पाएरले दिएको निर्णयलाई अस्वीकार गर्दै अम्पाएरप्रति लक्षित गर्दै खराब ब्यबहार देखाएको कारण उनलाई खेलका म्याच रेफ्री मनोहर अधिकारीले म्याच फिको १० प्रतिशत जरिवाना तोकेका हुन।

भैरहवालाई खेल जित्नको लागि अन्तिम ४ बलमा ६ रन बाँकी रहेको अवस्थामा ललितपुरका बलर सुबोध भाटीले गरेको अन्तिम ओभरको तेस्रो  बल बाउन्सर बललाई वाइड नदिएपछि रोहित पौडेलले लेग अम्पायर प्रति लक्षित गर्दै ब्याडले प्याडमा हिर्काएका थिए भने ब्याट उचाल्दै बल आफ्नो माथिबाट गएको इशारा गर्दै लेग अम्पायरसंग विवाद गर्न गएका थिए। उक्त खेलमा रोहित पौडेलले भैरहवालाई रोमान्चक जित दिलाउने क्रममा ११ बलमा ३१ रनको विस्फोटक पारि खेलेका थिए ।

खेलाडी रोहित कुमार पौडेलले आफुले गल्ती स्वीकारी सकेका छन् ।

Rohit Paudel
रोहित पौडेल ( फाइल फोटो )

ईपीएलद्वारा जारि गरेको प्रेस बक्तब्यमा उनलाई आइसिसीको नियम २.२.२ अन्तर्गत रही जरिवाना गरिएको उल्लेख गरिएको छ । त्यो नियमअनुसार कुनै पनि खेलाडीले अम्पाएरको निर्णयको बिरुद्दमा गएर कडा नजर देखाउदै नियोजित ढंगले खेल रोक्न पाइदैन र कस्तो किसिमको गल्ती हो त्यो अनुसार जरिवाना बढ्ने गर्दछ।

उक्त खेलमा रोहित पौडेलको विस्फोटक पारीको मद्दतले भैरहवा ग्लाडीएटर्सले ललितपुर प्याट्रीयट्सलाई रोमान्चक खेलमा ४ विकेटले पराजित गरेको थियो। रोहितले खेलको १९ औं ओभरमा मेहबुब आलमलाई ३ चौका र १ छक्का प्रहार गरेका थिए। ललितपुरले दिएको १४२ रनको लक्ष भैरहवाले अन्तिम बलमा प्राप्त गरेको थियो।

रोहित पौडेल यस्तै विस्फोटक पारीको लागि चिनिने गर्दछन । उनले सन् २०१६ मा भारत बिरुद्द भएको युथ एसिया कप क्रिकेटमा अन्तिम ओभरमा २४ रन प्रहार गरेका थिए।

( फिचर फोटो – भैरहवा ग्ल्य्याडीएटर्स फेसबुक )





थप समाचार

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]

गायकवाडको शतकमा लखनाउलाई २११ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा कप्तान ऋतुराज गायकवाडको शतकको सहयोगमा चेन्नई सुपर किंग्सले […]

गणेशमान सिंह राष्ट्रिय टी-२० च्याम्पियनशिप : बागमती र मधेशको जित

काठमाडौं । राजधानीमा संचालन भैरहेको पहिलो वीर गणेशमान सिंह राष्ट्रिय टी-२० च्याम्पियनशिप अन्तर्गत मंगलवारको भएको खेलमा मधेश प्रदेश र बागमती […]