इन्डियन प्रिमियर लिग ( आईपीएल ) अन्तर्गत १३ औं खेलमा दिल्ली क्यापिटल्सले किंग्स-११ पन्जाबको सामना गर्दै छ।
पन्जाबको घरेलु मैदान पन्जाब क्रिकेट एसोसिएसन मोहालीमा हुने खेलमा दिल्लीले टस जितेर पहिले बलिंग गर्ने निर्णय गरेको छ। खेल नेपाली समय ८:१५ बजे बाट सुरु हुँदै छ।
दिल्लीले आफ्नो अन्तिम-११ मा पुनः नेपाली स्पिनर सन्दिप लामिछानेलाई स्थान दिएको छ। सन्दिपलाई दिल्लीले आफ्नो पहिलो २ खेलमा मौका दिएको थिएन जसपछि तेश्रो र चौथो खेलमा भने मौका दिएको हो।
लिग अन्तर्गत दिल्लीले कोलकाता बिरुद्ध खेलेको अन्तिम खेलमा दिल्ली विजयी हुँदा संद्पीले १ विकेट लिएका थिए जुन क्रममा सबैभन्दा किफायती बलिंग गर्दै ४ ओभरमा २९ रन खर्चिएका थिए।
दिल्लीले आफ्नो अन्तिम-११ मा सन्दिपसंगै कागीसो रबाडा, कोलिन इन्ग्राम र क्रिस मोरिसलाई स्थान दिएको छ। अमित मिश्रा अन्तिम-११ मा छैनन्।
अन्तिम-११ : प्रिथ्भी श, शिखर धवन, श्रेयस ऐयर ( कप्तान ) , रिशभ पन्त, कोलिन इन्ग्राम, हनुमा बिहारी, हर्षल पटेल, क्रिस मोरिस, सन्दिप लामिछाने, कागीसो रबाडा र आभेस खान।
पन्जाबले भने आफ्नो अन्तिम-११ मा आज क्रिस गेललाई स्थान दिएको छैन।
पन्जाबको अन्तिम-११ – Lokesh Rahul(w), Mayank Agarwal, David Miller, Sarfaraz Khan, Mandeep Singh, Hardus Viljoen, Sam Curran, Ravichandran Ashwin(c), Murugan Ashwin, Mohammed Shami, Mujeeb Ur Rahman
प्रतियोगितामा दिल्ली अंकतालिकाको चौथो खेलमा रहेको छ जुन क्रममा ३ खेल खेल्दा २ जित र १ हार बेहोरेको छ। अंकतालिकाको शिर्ष स्थानमा रहेको चेन्नाई सुपर किंग्सले ३ खेल खेल्दा शत-प्रतिशत जित हात पारेको छ। उता पन्जाबले पनि दिल्ली जस्तै ३ खेलमा २ जित र १ हार बेहोरेको छ र अंकतालिकामा पाँचौ स्थानमा रहेको छ।
दिल्लीले लिगको पहिलो खेलमा मुम्बई इन्डियनलाई ३७ रनले पराजित गरेको थियो भने दोश्रो खेलमा चेन्नाईसंग ६ विकेटको हार बेहोरेको थियो। टाई भएको तेश्रो खेलमा उसले कोलकातालाई सुपर ओभरमा पराजित गरेको थियो।
