- विकेटनेपाल, १७ भदौ
चौथो एनआईसी एसिया इन्डोर कर्पोरेट क्रिकेट प्रतियोगिताको उपाधि सेन्चुरी ब्यांकले जितेको छ l सेन्चुरीले फाइनल खेलमा एनआईसी एसिया ब्यांकलाई ३५ रनले पराजित गरेको हो l
अल्टिमेट इन्डोरमा सम्पन्न फाइनलमा टस जितेर पहिले फिल्डिंग गरेको सेन्चुरी ब्यांकले निर्धारित १२ ओभरमा एनआईसी एसियालाई ५८ रनमा सिमित गरेको थियो l सेन्चुरीका बलर दिवेश डंगोल र विजय गौतमले समान २/२ विकेट हात पारेका थिए l एनआईसीको लागि दिपेन कार्कीले सर्बाधिक १४ रन योगदान दिए l
दोश्रो इनिंगमा सेन्चुरी ब्यांकले ९३ बनाउदै सहज जित हात पार्यो जसको लागि सुरज तिमल्सिनाले २५ रन योगदान दिए जुन क्रममा १ छक्का प्रहार गरे l यस्तै सुबास शर्माले १७ रन बनाए l
फाइनल खेलको म्यान अफ द म्याच सेन्चुरी ब्यांकका विजय गौतम घोषित भए l
यस अघि पहिलो सेमिफाइनलमा आईसीएफसी समयमा उपस्थित नभएपछि सोतः सेन्चुरी ब्यांक फाइनल पुगेको थियो l
यस्तै दोश्रो सेमीफाइनलमा एनएमबि ब्यांकलाई एनआईसी एसिया ब्यांकले ९३ रनले पराजित गरेको थियो l
पहिले ब्याटिंग गरेको एनएमबि ब्यांकले १२ ओभरमा १७ रन मात्रै बनाएको थियो भने दोश्रो इनिंगमा एनआईसीले १२ ओभरमा ११० रन बनाउदै ९३ रनको अन्तरले जित हात पार्दै फाइनलमा स्थान बनाएको थियो l
प्रतियोगिताको बिजेता सेन्चुरी ब्यांकले बिजेता ट्रफी प्राप्त गर्यो l प्रतियोगिता भदौ ९ देखि सुरु भएको थियो जसमा १७ वटा कर्पोरेट टोली सहभागी थिए l
